అదిత్ అరుణ్ హీరోగా నటించిన సినిమా ‘డియర్ మేఘ’. సెప్టెంబర్ 3న రిలీజ్ కానుంది. ఈ చిత్రంలో మేఘా ఆకాష్, అర్జున్ సోమయాజుల ఇతర ప్రధాన పాత్రల్లో నటించారు. వేదాన్ష్ క్రియేటివ్ వర్స్, బ్యానర్‌పై అర్జున్ దాస్యన్ నిర్మించిన ఈ సినిమాను కొత్త దర్శకుడు సుశాంత్ రెడ్డి రూపొందించారు. ఈ సందర్భంగా చిత్ర హీరో అరుణ్ ఆదిత్ మీడియాతో మాట్లాడుతూ… ఒక అమ్మాయి ఒక అబ్బాయిని చూస్తే ఏమనుకుంటుంది?… అలాగే ఒక అబ్బాయి ఒక అమ్మాయి చూస్తే ఎం అనుకుంటాడు?… ఈ నేపథ్యంలో తెరకెక్కిన చిత్రం ‘డియర్ మేఘ’. డిఫరెంట్ లవ్ స్టోరీ ఇది. దర్శకుడు సుశాంత్ ఈ సినిమా అద్భుతంగా తెరకెక్కించాడు. సినిమా మొదలైనప్పటి నుంచి పాజిటివ్ రెస్పాన్స్‌తో షూట్ చేశాము. ఆరు నెలల్లో సినిమా పూర్తి అయి ఇప్పుడు ‘డియర్ మేఘ‘ ప్రేక్షకుల ముందుకు వస్తుంది. ఈ సినిమా పాజిటివ్ లవ్ స్టోరీ. ఇప్పటి వరకు నేను చేసిన సినిమాలన్నింటిలో కంటే ఇది పాజిటివ్ సినిమా. హీరోయిన్ పేరు మీద ఈ టైటిల్ పెట్టడం జరిగింది. ప్రస్తుతం నేను చేసిన WWW, ‘కథ కంచికి మనం ఇంటికి’తో పాటు నాలుగు, ఐదు సినిమాలు విడుదలకు సిద్ధంగా ఉన్నాయి అని అన్నారు.