ఎన్ డబ్యూడబ్యూఎ, భారత నౌకాదళంతో హీరో మోటోకార్ప్ భాగస్వామ్యం

హీరో మోటోకార్ప్, ప్రపంచంలోనే అతిపెద్ద మోటార్‌సైకిళ్లు మరియు స్కూటర్ల తయారీదారు, దాని ప్రాధాన్యత అంశాలు – అభ్యాసం మరియు విద్య పట్ల దాని నిబద్ధతకు అనుగుణంగా, నేవీ వెల్ఫేర్ అండ్ వెల్నెస్ అసోసియేషన్ (NWWA)తో వారి కమ్యూనిటీ అభివృద్ధి కార్యక్రమాలకు మద్దతుగా దానితో భాగస్వామ్యం కుదుర్చుకుంది.

హీరో మోటోకార్ప్ మరియు NWWAలు అవగాహన ఒప్పందం(MoU)పై సంతకం చేశాయి, దాని ప్రకారం న్యూరో-డెవలప్‌మెంటల్ వైకల్యాలతో జన్మించిన పిల్లలకు ఆక్యుపేషనల్ థెరపీ, స్పీచ్ థెరపీ, ఆట(ప్లే) మరియు కౌన్సెలింగ్‌ను అందించే ఢిల్లీలోని CHETNA – ప్రారంభ ఇంటర్వెన్షన్ సెంటర్‌కు కంపెనీ మద్దతును అందిస్తుంది.

కంపెనీ కార్పొరేట్ సోషల్ రెస్పాన్సిబిలిటీ (CSR) ప్లాట్‌ఫారమ్ ‘హీరో వి కేర్’ కింద ఫ్లాగ్‌షిప్ ‘హీరో సెల్యూట్స్ హీరోస్ ఆఫ్ ది నేషన్’ ప్రోగ్రామ్‌లో భాగంగా ప్రారంభించబడిన ఈ చొరవ, పిల్లలకు వారి పిల్లల అభ్యాస అవసరాలలో తోడ్పాటు అందించడం, ప్రారంభ అభివృద్ధి దశల ద్వారా పురోగమించేలా చేయడం, తద్వారా వారి జీవన నాణ్యతను మెరుగుపరచడం లక్ష్యంగా పెట్టుకుంది.

ఎర్లీ ఇంటర్వెన్షన్ సెంటర్ – CHETNAలో అందించబడే మద్దతు మరియు చికిత్సలు ఆరు సంవత్సరాల కంటే తక్కువ వయస్సు ఉన్న పిల్లలలో బహుళ-పద్దతుల ద్వారా న్యూరో-డెవలప్‌మెంటల్ వైకల్యాల ప్రభావాన్ని తగ్గించడంలో సహాయపడతాయి. ఈ పిల్లలు వారి గరిష్ట సామర్థ్యాన్ని సాధించడంలో మరియు విద్యలో వారి దృష్టిని ప్రోత్సహించడంలో కూడా CHETNA సహాయపడుతుంది.

MoU-సంతకాల కార్యక్రమంలో మాట్లాడుతూ, శ్రీమతి కళా హరి కుమార్, ప్రెసిడెంట్, NWWA, ఇలా అన్నారు, “ఈ ప్రత్యేక కార్యక్రమానికి హీరో మోటోకార్ప్ అందించిన మద్దతును మేము స్వాగతిస్తున్నాము. ‘హీరో సెల్యూట్స్ హీరోస్ ఆఫ్ ది నేషన్’తో భాగస్వామ్యంలో ఉన్నందుకు మేము గర్విస్తున్నాము – ఇది కంపెనీ యొక్క స్వఛ్చమైన ప్రత్యేక చొరవ. పిల్లలే మన భవిష్యత్తు మరియు భారత నౌకాదళం మరియు NWWA వారి సంక్షేమానికి గాఢంగా కట్టుబడి ఉన్నాయి. ఈ ప్రాజెక్ట్ మానసిక వైకల్యం వున్న పిల్లలు నేర్చుకోవడానికి, ఎదగడానికి మరియు ప్రధాన స్రవంతి విద్యా వ్యవస్థలో భాగం కావడానికి మద్దతును పొందడంలో సహాయపడుతుంది. ఇది పిల్లల జీవితాల్లోనే కాకుండా, వారి తల్లిదండ్రులు తమ పిల్లల అవసరాలను ఎలా చూసుకోవాలో మరియు వారికి ఎలా మద్దతు ఇవ్వాలో కూడా నేర్చుకుంటారు.”

మిస్టర్ భరతేందు కబి, హీరో మోటోకార్ప్ కార్పోరేట్ సోషల్ రెస్పాన్సిబిలిటీ (CSR) మరియు కార్పొరేట్ కమ్యూనికేషన్ హెడ్, ఇలా అన్నారు, “ఈ ఉదాత్తమైన పనిలో నేవీ వెల్ఫేర్ అండ్ వెల్‌నెస్ అసోసియేషన్‌తో భాగస్వామ్యం కావడం మాకు చాలా గొప్ప విషయం. న్యూరో-డెవలప్‌మెంటల్ వైకల్యాలతో బాధపడుతున్న పిల్లలకు చిన్న వయస్సులోనే సరైన మద్దతునిస్తూ, అభివృద్ధి సంబంధమైన సవాళ్లను అధిగమించడానికి మరియు అధికారిక విద్యలో భాగం కావడానికి సహాయపడే ప్రోగ్రామ్‌కు మద్దతును అందిస్తున్నందుకు మేము గర్విస్తున్నాము.”

దాని హీరో వి కేర్ CSR చొరవ కింద ‘హీరో సెల్యూట్స్ హీరోస్ ఆఫ్ ది నేషన్’ కార్యక్రమంలో భాగంగా, కంపెనీ ఇప్పటికే సాయుధ దళాలు మరియు పారామిలిటరీ సంస్థలు – డైరెక్టరేట్ ఆఫ్ ఇండియన్ ఆర్మీ వెటరన్స్ (DIAV), మొబిలిటీ సొల్యూషన్స్, జీవనోపాధి మరియు విద్య రంగంలో సెంట్రల్ రిజర్వ్ పోలీస్ ఫోర్స్ (CRPF), బోర్డర్ సెక్యూరిటీ ఫోర్స్ (BSF)తో భాగస్వామ్యం కలిగి ఉంది.