విక్టరీ వెంకటేష్ హీరోగా మనసుకు హత్తుకునే ఆహ్లాదకరమైన చిత్రాలు చేసే శ్రీకాంత్ అడ్డాల దర్శకత్వంలో రూపొందుతోన్న చిత్రం ‘నారప్ప’. డి.సురేష్ బాబు, కలైపులి ఎస్. థాను సంయుక్తంగా ఈ చిత్రాన్ని నిర్మిస్తున్నారు. ప్రియమణి ఈ మూవీలో నారప్ప భార్య సుందరమ్మగా తెలుగు వారికి చాలా రోజులు గుర్తుండిపోయే పాత్ర చేస్తున్నారు. ఈ చిత్రం నుంచి ఇప్పటికే విడుదలైన ఫస్ట్ గ్లిమ్స్, పోస్టర్స్‌తో పాటు వెంకటేష్ బర్త్‌డే సందర్భంగా రిలీజైన ‘నారప్ప’ టీజర్‌కి అద్భుతమైన స్పందన వచ్చింది. ఇప్పటికే షూటింగ్ పూర్తి చేసుకున్న ఈ చిత్రం తాజాగా పోస్ట్ ప్రొడక్షన్ కార్యక్రమాలు పూర్తిచేసుకుంది. వారం రోజుల్లో ‘నారప్ప’ మూవీ ఫస్ట్ కాపీ రెడీ కానుంది. ఈ మూవీలో డిఫరెంట్ షేడ్స్ ఉన్న పాత్రలో వెంకటేష్ కనిపించనున్నాడు. అలాగే తన అద్భుతమైన నటనతో ప్రేక్షకులను మెప్పించనున్నాడు. ఇక ‘నారప్ప’ కొత్త విడుదల తేదీని త్వరలో అధికారికంగా ప్రకటించనున్నారు మేకర్స్.