పావురానికి ప్రాణం పోసిన హోంగార్డు

అభినందించిన సిపి

హైదరాబాద్: చైనా మాంజా దారంలో చిక్కుకుని విలవిలలాడుతున్న ఓ పావురం ప్రాణాన్ని నిలబెట్టిన హోంగార్డు రత్నాకర్‌ను నగర సిపి అంజనీకుమార్ ప్రత్యేకంగా అభినందించారు. వివరాల్లోకి వెళి తే ఎస్‌ఆర్ నగర్ పోలీస్‌స్టేషన్ పరిధిలో విధుల్లో ఉన్న హోంగార్డు రత్నాకర్, కానిస్టేబుల్ పాషా సిద్దార్ద్ ద్విచక్ర వాహనంపై పెట్రోలింగ్ నిర్వహిస్తున్న సమయంలో ఓ పావురం మాంజా దారంలో చిక్కుకుని ఉండటం గమనించారు. వెంటనే స్పందించిన హోంగార్డు రత్నాకర్ ఆ పావురాన్ని మాంజా దారం నుంచి విముక్తి కల్పించి ఆపై పావురానికి నీరు తాగించి వదిలేశారు.

అప్పటి వరకు కుప్పకూలిన పావున ఒక్కసారిగి రెక్కులు విదిలించుకుని హాయిగా ఎగిరిపోయింది. హోంగార్డు రత్నాకర్ పావురానికి చేసిన సేవల వీడియోను ఎస్‌ఆర్ నగర్ పోలీస్ ఇన్‌స్పెక్టర్ సైదులు ట్విట్టర్‌లో పోస్ట్ చేశారు. విషయం తెలుసుకున్న నగర కమిషనర్ అంజనీ కుమార్ హోంగార్డు రత్నాకర్ సేవలను అభినందించారు. చైనా మాంజాపై నిషేధం ఉన్నా కొందరు అక్రమార్కులు దొడ్డిదారిలో పతంగుల కోసం విక్రయిచడం మంచిపద్దతి కాదని సిపి అంజనీకుమార్ ప్రజలకు విజప్తి చేశారు.

home guard helps pigeon fly again in hyderabad