- Advertisement -
ఓ ఆటో డ్రైవర్ తన నిజాయితీని చాటుకున్నాడు. తన ఆటోలో ప్రయాణించిన ప్రయాణికురాలు సుమారు మూడు లక్షల రూపాయలు విలువగల మూడున్నర తులాల బంగారు గొలుసు, ఒక లాప్టాప్ మర్చిపోవడం తో ఆటో డ్రైవర్ రమేష్ గమనించి, వనస్థలిపురం పోలీసులకు అప్పగించాడు. వివరాల్లోకి వెళితే సుమాంజలి అనే మహిళ రాపిడ్ ఆటోని బుక్ చేసుకుని, ఆటోలో హయత్ నగర్ నుంచి వనస్థలిపురం పిస్తా హౌస్ హోటల్ కు వచ్చింది. క్యాబ్ డ్రైవర్‌కు ఫోన్ పే ద్వారా డబ్బులు కొట్టి తిరిగి హోటల్ కి వెళ్ళింది . పిస్తా హౌస్ నుండి కొద్ది దూరం వెళ్లిన ఆటో డ్రైవర్ రమేష్ తమ ఆటోలో మర్చిపోయిన బ్యాగులను గమనించి వనస్థలిపురం పోలీసులకు అప్పగించాడు. పోలీసులు ఈ సందర్భంగా ఆటో డ్రైవర్ రమేష్ నిజాయితీని నిరూపించుకున్నందుకు వనస్థలిపురం సిఐ శ్రీనివాస్, డిఐ ముఖ్య రాజేష్ లు ఆటోడ్రైవర్ రమేష్‌ను అభినందించారు.
- Advertisement -