- Advertisement -
తిరుమల తిరుపతి దేవస్థానంలో స్వల్పంగా భక్తుల రద్దీ పెరిగింది. కార్తీక మాసం సందర్భంగా గత రెండు రోజులు తిరుమలకు భారీగా భక్తులు తరలివస్తున్నారు. గురువారం కూడా స్వామివారిని దర్శించుకునేందుకు అధిక సంఖ్యలో భక్తులు తిరుమలకు చేరుకుంటున్నారు. ఈ క్రమంలో శ్రీవారిని దర్శించుకునేందుకు వైకుంఠం క్యూ కాంప్లెక్స్‌లోని 17 కంపార్టుమెంట్లలో భక్తులు వేచి ఉన్నారు. దీంతో టోకెన్ లేని భక్తులకు స్వామివారిని దర్శించుకునేందుకు దాదాపు 9 గంటల సమయం పడుతోంది.
ఇక, బుధవారం 66,163 మంది భక్తులు శ్రీవారిని దర్శించుకుని మొక్కులు తీర్చుకున్నారు. స్వామివారికి 25,229 మంది భక్తులు తలనీలాలు సమర్పించారు. శ్రీవారి హుండీ ఆదాయం రూ.3.86 కోట్లు వచ్చినట్లు టిటిడి అధికారులు వెల్లడించారు.
- Advertisement -