దేశంలో హైదరాబాద్ ఇతర నగరాల కంటే అభివృద్ది

నగరాన్ని సందర్శించిన 9వ నిజాం నవాబ్ రౌనక్ యార్ ఖాన్

మన తెలంగాణ/హైదరాబాద్: ఇటీవలే అసఫ్ జాహీ వంశానికి చెందిన 9వ నిజాం నవాబ్ రౌనక్ యార్ ఖాన్ హైదరాబాద్ చివరి పాలక నిజాం 57వ వర్ధంతి సందర్భంగా సమాధిని ఆదివారం సందర్శించి పూలమాలలు వేసి ఘనంగా నివాళులర్పించారు. ఈ సందర్భంగా ఆయన మీడియాతో మాట్లాడుతూ అమీర్ అలీజా, ఆకా మొయిన్ నవాబ్, హైదరాబాద్ స్టేట్‌ను గతంలో పాలించిన నిజాం 7వ తాత మీర్ ఉస్మాన్ అలీఖాన్‌కు నివాళులు అర్పించడం గౌరవంగా భావిస్తున్నాను. నా కుటుంబం తరపున ప్రత్యక్ష వారసులు 7వ నిజాం మస్జిద్ ఇ’జూడీకి వచ్చినట్లు పేర్కొన్నారు.

Also Read: చితిపై లేచికూర్చున్న శవం..పరుగులు తీసిన బంధుజనం

ప్రస్తుత హైదరాబాద్‌ను రాజధానిగా చేసుకున్న హైదరాబాద్ రాష్ట్రాన్ని అభివృద్ధి చెందిన నగరంగా మార్చడానికి ఎంతో కృషి చేసిన ప్రగతిశీల ప్రపంచ ప్రఖ్యాత సెక్యులర్ తాతకు నివాళులు అర్పించినట్లు తెలిపారు. భారతదేశంలోని ఇతర నగరాల కంటే హైదరాబాద్ అభివృద్ది చేయబడిందన్నారు. అనంతరం నవాబ్ అమీర్ అలీ ఝా ప్రసంగిస్తూ నవాబ్ రౌనఖ్ యార్ ఖాన్ చిన్నతనం నుండి దాదాపు 50 సంవత్సరాల పాటు తన సర్వమత కార్యకలాపాల ద్వారా అసఫ్ జాహీ కుటుంబం పేరు సజీవంగా ఉంచడానికి చాలా కృషి చేశారని అన్నారు.

ఢిల్లీ, హైదరాబాద్‌లో తాము అతని ముత్తాత 6వ, 7వ నిజాంల సమాధిని సందర్శించడానికి ఇక్కడికి తీసుకొచ్చినట్లు చెప్పారు. నవాబ్ రౌనక్ యార్ ఖాన్ నగర పౌరుడు జూబ్లీహిల్స్‌లోని రోడ్ నంబర్ 25లో 115 ఎకరాల స్థలంలో ఉన్న 80 ఎకరాల ఫిల్మ్ ఫెసిలిటీకి గర్వకారణమైన యజమాని. ఇది నగరంలోని అతిపెద్ద సినిమా సౌకర్యాలలో ఒకటి. నిజాం యువరాజు రౌనక్ యార్ ఖాన్ అద్భుతమైన భవనాలు, మానవ నిర్మిత కొండకు పేరుగాంచినట్లు వెల్లడించారు. అసఫ్ జాహీ రాజవంశం కుటుంబ సభ్యులు సహచరులు కూడా కింగ్ కోఠిలోని మసీదు జోడి వద్ద ఉన్న ఆయన సమాధి వద్ద పూలమాలలు వేసి నివాళులర్పించారు.