హైదరాబాద్: గ్రేటర్ నగరానికి మణిహారంగా నిలిచిన ఎల్అండ్ టీ మెట్రో రైల్ అత్యంత ప్రతిష్టాత్మకమైన పీఆర్‌సీఐ(పబ్లిక్ రిలేషన్స్ కౌన్సిల్ ఆప్ ఇండియా) ఎక్స్‌లెన్స్ అవార్డులు 2021 వద్ద ప్లాటినమ్ అవార్డును సోషల్ మీడియాను అత్యుత్తమంగా వినియోగించుకున్నందుకు బ్రాంజ్ అవార్డును అత్యత్తమ సమాచారంకోవిడ్‌కు అందించినందుకు అందుకుంది. ఈ అవార్డుల వేడుకను గోవాలో నిర్వహించిన 15వ అంతర్జాతీయ కమ్యూనికేషన్ కాంక్లేవ్ వద్ద అందజేశారు. ఈ అవార్డును గోవా సాంస్కృతిక శాఖ మంత్రి గోవింద్ గౌడే చేతుల మీదుగా ఎల్‌టిఎంఆర్‌హెచ్‌ఆర్‌ఎల్ కార్పొరేట్ కమ్యూనికేషన్ హెడ్ అనిందితా సిన్హా అందుకున్నారు. ఈసందర్భంగా ఎల్‌టిఎంహెచ్‌ఆర్‌ఎల్ ఎండీ, అండ్ సీఈవో కెవీబీరెడ్డి మాట్లాడుతూ పీఆర్‌సీఐ నుంచి అత్యంత ప్రతిష్టాత్మకమైన అవార్డులను అందుకోవడం గర్వంగా ఉందన్నారు. మా వరకు సామాజిక మాద్యమం అంటే మా వినియోగదారులతో నేరుగా కనెక్ట్ అయ్యే అత్యుత్తమ మార్గం. మాబ్రాండ్ వాగ్దానం మరింతగా మెరుగుపరుచుకునేందుకు ఇది తోడ్పతుందన్నారు. సామాజిక మాధ్యమాల ద్వారా మా వినియోగదారుల అంచనాలను మించిన రీతిలో సేవలనందించేందుకు ఓనూతన దృక్పధంను కోవిడ్ మహమ్మారి అందించిందన్నారు. మా ప్రయత్నాలకు ఈ అవార్డులు చక్కటి గుర్తింపు అన్నారు.