- Advertisement -
హైదరాబాద్: కరోనా విజృంభణను నివారించే చర్యల్లో భాగంగా తెలంగాణ ప్రభుత్వం మంగళవారం నుంచి నైట్ కర్ఫ్యూ అమలు చేస్తూ ఉత్తర్వులు జారీ చేసింది. ఈ క్రమంలోనే హైదరాబాద్ మెట్రో రైలు సమయాల్లో మార్పులు చేస్తున్నట్టు అధికారులు వెల్లడించారు. చివరి స్టేషన్ నుంచి రాత్రి 7:45 గంటలకు వరకే చివరి మెట్రో రైలు ప్రయాణించనుంది. రాత్రి 8:45 గంటలకు చివరి స్టేషన్ కు రైలు చేరుకోనుంది. ఈ మార్పులు ఇవాళ్టి నుంచి ఏప్రిల్ 30వ తేదీ వ‌ర‌కు అమ‌ల్లో ఉండ‌నున్నాయని మెట్రో అధికారులు తెలిపారు. ఉద‌యం 6:30 గంట‌ల నుంచి మొద‌టి రైలు యథావిధిగా అందుబాటులో ఉండ‌నుంది. మెట్రో ప్ర‌యాణికులు మాస్కులు, శానిటైజ‌ర్లు వాడాల‌ని అధికారులు సూచించారు. రాష్ట్రంలో కరోనా కేసులు రోజురోజుకు భారీగా పెరుగుతున్న సంగతి తెలిసిందే.
hyderabad metro train times change from today
- Advertisement -