టీమిండియాకు వరుస పరాభావాలు ఎదురవుతున్నాయి. బోర్డర్-గావస్కర్ ట్రోఫీ కోల్నోయిన షాక్ నుంచి తేరోకమేందే ఐసిసి మరో షాకిచ్చింది. మంగళవారం విడుదల చేసిన టెస్టు ర్యాంకింగ్స్‌లో భారత జట్టు మూడో స్థానానికి దిగజారిపోయింది. పాక్‌తో జరిగిన రెండో టెస్టులో 10 వికెట్లతో విజయం సాధించిన సౌతాఫ్రికా జట్టు భారత్‌ను వెనక్కునెట్టి రెండో స్థానంలోకి దూసుకెళ్లింది. ఇక టీమిండియా గత పదేళ్లలో మూడో స్థానానికి పడిపోవడం ఇదే తొలిసారి. బోర్డర్‌గవాస్కర్ ట్రోఫీని గెలిచి డబ్లుటిసి ఫైనల్లోకి దూసుకెళ్లి ఆస్ట్రేలియా జట్టు అగ్రస్థానంలో ఉంది. ఈ సిరీస్‌లో టీమిండియాను 1-3తో ఓడించిన విషయం తెలిసిందే.
ఇక ఆస్ట్రేలియా 126 పాయింట్లతో అగ్రస్థానంలో కొనసాగుతుండగా 112 పాయింట్లతో సౌతాఫ్రికా రెండో స్థానంలో ఉంది. భారత్ 109 పాయింట్లతో మూడు. ఇంగ్లాండ్ (106), న్యూజిలాండ్ (96) టాప్-5లో ఉన్నాయి. శ్రీలంక (87), పాకిస్థాన్ (83), వెస్టిండీస్ (75), బంగ్లాదేశ్ (65), ఐర్లాండ్ (26) వరుసగా తర్వాతి స్థానాల్లో ఉన్నాయి. గత ఎనిమిది టెస్టుల్లో భారత్ ఒక్క విజయమే సాధించింది. ఆరు మ్యాచ్‌ల్లో ఓటమిపాలైంది. ఒకటి డ్రాగా ముగిసింది. దీంతో డబ్ల్యూటిసి ఫైనల్‌కు దూరమైంది. 2023-25 డబ్ల్యూటీసీలో భారత్ 19 మ్యాచ్‌లు ఆడి 9 విజయాలు, 8 ఓటములు, 2 డ్రాలు నమోదు చేసింది.