దేశంలో భారీగా తగ్గిన కరోనా కేసులు

న్యూఢిల్లీ: భారత్ లో కరోనా పాజిటివ్ కేసులు రోజురోజుకు తగ్గుతున్నాయి. కేంద్ర ఆరోగ్య మంత్రిత్వ శాఖ ప్రకారం గత 24 గంటల్లో 58,419 కొత్త కోవిడ్-19 కేసులు నమోదయ్యాయి. 81 రోజుల తరువాత 60,000 కన్నా తక్కువ కేసులు రికార్డు కావడం విశేషం. తాజాగా మరో 87,619 కోలుకోగా, 1,576 మరణాలు సంభవించాయి. దీంతో మొత్తం కరోనా పాజిటివ్ కేసుల సంఖ్య 2,98,81,965కి చేరింది. దేశవ్యాప్తంగా ఇప్పటివరకు 2,87,66,009 మంది కోలుకుని డిశ్చార్జ్ అయ్యారు. ఇండియాలో మరణాల సంఖ్య 3,86,713కి పెరిగింది. దేశంలో 7,29,243 కరోనా యాక్టివ్ కేసులున్నారు. భారత్ లో ఇప్పటివరకు 27,66,93,572 మందికి కరోనా టీకాలు వేసినట్టు ఆరోగ్యశాఖ తాజాగా విడుదలైన హెల్త్ బులిటెన్ లో ప్రకటించింది. 20 జూన్ 2021 వరకు 39,10,19,083 నమూనాలను పరీక్షించారు. వీటిలో 18,11,446 నమూనాలను నిన్న పరీక్షించినట్టు ఐసిఎంఆర్ వెల్లడించింది.

India reports 58419 new Covid-19 cases