- Advertisement -
మొహాలీ టెస్టులో భారత్ ఘన విజయం సాధించింది. శ్రీలంకపై ఇన్నింగ్స్ 222 పరుగుల తేడాతో గెలుపొందింది. రెండో ఇన్నింగ్స్ లో 178 పరుగులకే లంక కుప్పకూలింది. బ్యాటింగ్, బౌలింగ్ లో భారత ఆటగాళ్లు సత్తా చాటారు. ఈ ఇన్నింగ్స్ లో జడేజా, అశ్విన్ కు చెరో 4 వికెట్లు, షమీ 2 వికెట్లు తీశారు. మొహాలి టెస్టు మూడు రోజులకే ముగిసింది. రెండు టెస్టుల సిరీస్ లో 1-0 ఆధిక్యంలో ఉంది టీమిండియా. రవీంద్ర జడేజా ఆల్ రౌండర్ పదర్శనతో ఆకట్టుకున్నాడు. జడేజా బ్యాటు, బంతితో సత్తాచాటాడు. తొలి ఇన్నింగ్స్ లో 175 పరుగులతో అజేయంగా జడేజా నిలిచాడు. రెండు ఇన్నింగ్స్ లలో కలిసి 9 వికెట్లు పడగొట్టాడు జడేజా. స్కోర్లు: భారత్ తొలి ఇన్నింగ్స్ – 574/8 డిక్లేర్డ్. శ్రీలంక: తొలిఇన్నింగ్స్ 174, రెండో ఇన్నింగ్స్ 178. ఈ నెల 12 నుంచి బెంగళూరులో రెండో టెస్టు (డే/నైట్) మ్యాచ్ ఆరంభంకానుంది.
- Advertisement -