- Advertisement -
మన తెలంగాణ / హైదరాబాద్ : అంతర్జాతీయంగా భారత ప్రధాని నరేంద్ర మోడీ ఇమేజ్ చాలా బలంగా ఉందనేది అంతా ఉత్తిదేనని ఎంఐఎం అధినేత, ఎంపి అసదుద్దీన్ ఓవైసి అన్నారు. ఈ అబద్దాన్ని చెప్పడం పై దేశంలోని సామాన్య ప్రజలు తిడుతున్నారని ఆయన ట్విట్టర్ వేదికగా పేర్కొన్నారు. మోడీకి స్వాగతం పలకడానికి దక్షిణాఫ్రికాకు చెందిన సాధారణ మంత్రి వచ్చారని, ఆ దేశపు అధ్యక్షుడు చైనా అధ్యక్షుడితో బిజీగా ఉన్నారని, అందుకే ఓ మంత్రి వచ్చినట్లు దక్షిణాఫ్రికా నుండి వార్తలు వచ్చాయని ఆయన గుర్తు చేశారు. ఇది విన్న మోడీ ఫ్లైట్ దిగడానికి నిరాకరించినట్లు వార్తలు వచ్చాయని ఇదే నిజమైతే ఒక ప్రధానికి ఇలాంటి చిన్నపిల్ల చేష్టలు సరిపోతాయా? అనేది ఆలోచించాల్సిన విషయమని అసదుద్దీన్ పేర్కొన్నారు.
- Advertisement -