- Advertisement -
ముంబై: ఐపిఎల్ 14వ సీజన్ లో భాగంగా రాజస్థాన్ రాయల్స్ జట్టుతో జరుగుతున్న మ్యాచ్ ఢిల్లీ క్యాపిటల్స్ నాలుగు కీలక వికెట్లు కోల్పోయింది. టాస్ ఓడి ముందుగా బ్యాటింగ్ చేపట్టిన ఢిల్లీకి ఆదిలోనే ఎదురుదెబ్బ తగిలింది. ఓపెనర్లు పృథ్వీ షా(2), శిఖర్ ధావన్(9)లు వెంటవెంటనే ఔటయ్యారు. అనంతరం క్రీజులోకి వచ్చిన రహానె(8), స్టోయినిస్(0)లు కూడా పెవిలియన్ చేరారు. దీంతో 37 పరుగులకే నాలుగు వికెట్లు కోల్పోయి ఢిల్లీ కష్టాల్లో పడింది. ఈ క్రమంలో కెప్టెన్ పంత్, లలిత్ యాదవ్ తో కలిసి మరో వికెట్ పడకుండా జాగ్రత్తగా ఆడుతున్నాడు. ప్రస్తుతం ఢిల్లీ జట్టు 10 ఓవర్లలో నాలుగు వికెట్ల నష్టానికి 57 పరుగుల చేసింది. క్రీజులో పంత్(25), యాదవ్(10)లు ఉన్నారు.
IPL 2021: DC lost 4 wickets at 37 runs against RR
- Advertisement -