ముంబై: ఐపిఎల్ 2021లో భాగంగా చెన్నై సూపర్‌ కింగ్స్‌ జట్టుతో జరగుతున్న మ్యాచ్ రాయల్‌ ఛాలెంజర్స్‌ బెంగళూరు 8 కీలక వికెట్లు కోల్పోయింది.చెన్నై నిర్దేశించిన 192 పరుగుల లక్ష్య ఛేదనలో బరిలోకి దిగిన బెంగళూరుకు ఆదిలోనే ఎదురుదెబ్బ తగిలింది. ఓపెనర్ విరాట్‌ కోహ్లీ(8)ని చెన్పై బౌలర్ సామ్ కరన్ పెవిలియన్ పంపాడు. అనంతరం క్రీజులోకి వచ్చిన వాషింగ్టన్‌ సుందర్‌(7)ను జడేజా ఔట్ చేసి మరో దెబ్బ కొట్టాడు. ఆ తర్వాత చెన్నై స్టార్ బ్యాట్స్ మెన్స్ మాక్స్ వెల్(22), ఎబి డివిలియర్స్(4)లు కూడా జడేజా మాయాజాలంలో చిక్కుకున్నారు. ఇద్దరినీ వరుస ఓవర్లలో ఔట్ చేసి చెన్నైకి బిగ్ బ్రేక్ ఇచ్చాడు. దేవదత్‌ పడిక్కల్‌(34), హర్షల్ పటేల్(0), నవదీప్ సైనీ(2)లను తాహీర్ ఔట్ చేశాడు. దీంతో బెంగళూరు 94 పరుగులకే 8 వికెట్లు కోల్పోయి ఓటమి అంచుల్లో చిక్కుకుంది. ప్రస్తుతం క్రీజులో జేమిసన్(8), చాహల్(0)లు ఉన్నారు.
IPL 2021: RCB Lost 8th Wicket at 94 runs against CSK