బద్వేల్: భారతదేశపు అతిపెద్ద వుడ్ ప్యానెల్, అలంకార పరిశ్రమ అవసరాల తయారీదారు అయిన సెంచరీ ప్లైబోర్డ్స్ (ఇండియా) లిమిటెడ్, ఈరోజు ఆంధ్రప్రదేశ్‌లోని వైఎస్ఆర్ కడప జిల్లా బద్వేల్‌లో కంపెనీ యొక్క అతిపెద్ద ఇంటిగ్రేటెడ్ వుడ్ ప్యానెల్ తయారీ ప్లాంట్‌ను వైభవంగా ప్రారంభించినట్లు వెల్లడించింది. ఆంధ్రప్రదేశ్ రాష్ట్ర ముఖ్యమంత్రి వై ఎస్ జగన్ మోహన్ రెడ్డి, సెంచరీప్లై చైర్మన్ సజ్జన్ భజనకాతో పాటు ఇతర ప్రముఖ ప్రముఖులు ఈ వేడుకకు హాజరయ్యారు.
ఆంధ్రప్రదేశ్ యొక్క పారిశ్రామిక పటంలో దాని విలువైన వనరుల నిక్షేపాల పరంగా ఒక ముఖ్యమైన స్థానాన్ని వైఎస్ఆర్ కడప జిల్లా కలిగి ఉంది. ప్రభుత్వం ఈ ప్రాంతాన్ని ఒక సంభావ్య వ్యవసాయ పరిశ్రమ కేంద్రంగా గుర్తించినందున, సెంచరీప్లై యొక్క ఈ కార్యక్రమం ఇతర పారిశ్రామిక సంస్థల పెట్టుబడుల శ్రేణికి నాంది పలికింది, చివరికి ఇది దేశం మొత్తానికి ముఖ్యమైన ఫర్నిచర్ హబ్‌గా మార్చడానికి దారి తీయనుంది. ఆంధ్రప్రదేశ్‌లో లామినేట్, MDF, PVC యూనిట్ కోసం కంపెనీ దాదాపు రూ.1000 కోట్లు పెట్టుబడిని కేటాయించింది. ఉత్పత్తి మొదటి దశలో 2 పెద్ద సైజు ప్రెస్‌ల లామినేట్‌లను కలిగి ఉంది, ఇది ప్రస్తుతం పని చేస్తోంది. MDF యూనిట్, PVC యూనిట్ త్వరలోనే ప్రారంభం కానున్నాయి. రాబోయే 3-5 సంవత్సరాలలో, ఈ బ్రాండ్ ఆంధ్రప్రదేశ్ రాష్ట్రంలో 2000+ మందికి ప్రత్యక్షంగా, పరోక్షంగా ఉపాధి కల్పించాలని యోచిస్తోంది.
వైఎస్ఆర్ కడప జిల్లాలో ఒక లక్ష ఎకరాల తోటల పెంపకం, పచ్చని వృక్షజాలం, జంతుజాలంతో భూమిని మార్చే ప్రభుత్వ దార్శనికతకు ఇది నాంది. సెంచురీ ప్లై తో కలిసి, చేపట్టిన ఈ కార్యక్రమం ఈ జిల్లాను సుస్థిర అభివృద్ధికి నూతన ప్రమాణంగా మెరుగుపరుస్తుంది. ప్లైవుడ్ కేటగిరీలో పంజాబ్‌లోని హోషియార్‌పూర్‌లో 60,000 CBMతో 3 యూనిట్లలో, తమిళనాడులోని చెన్నైలో పార్టికల్ బోర్డ్‌లో 2,40,000 CBM, ఆంధ్రప్రదేశ్‌లోని బద్వేల్‌లో లామినేట్‌లలో 8,55,000 షీట్‌లు, MDF లో 3,13,500 CBMతో, PVC 15,౦౦౦ టన్నులలో అదనపు సామర్థ్యాలు అభివృద్ధి చేయబడుతున్నాయి.
ఈ సందర్భంగా సెంచురీ ప్లై ఎగ్జిక్యూటివ్ డైరెక్టర్ కేశవ్ భజంక మాట్లాడుతూ.. “ఆంధ్రప్రదేశ్ ప్రభుత్వ సహకారంతో ఈ జిల్లా లో మొదటి ఇంటిగ్రేటెడ్ వుడ్ ప్యానల్ తయారీ యూనిట్‌ను ఘనంగా ప్రారంభిస్తున్నామని వెల్లడించేందుకు మేము చాలా సంతోషిస్తున్నాము. ఇది బద్వేల్ ప్రాంతాన్ని ఆంధ్రప్రదేశ్‌లోని వ్యవసాయ పరిశ్రమల కేంద్రంగా అభివృద్ధి చేయడానికి తోడ్పడుతుంది. మేము మొదటి దశలో MDFలో రూ. 700 కోట్లు, రూ. 250 కోట్లు ను లామినేట్లు, PVCలో పెట్టుబడి పెట్టాము. ఈ నూతన యూనిట్ MDF ప్లాంట్‌లో మా ఉత్పత్తి సామర్థ్యాన్ని 950 m3 పెంచుతుంది, ఇది MDFలో మా కార్యకలాపాలను రెట్టింపు చేస్తుంది. రెండవ దశ విస్తరణ ప్రణాళికలలో రూ.1000 కోట్ల పెట్టుబడిని పెట్టనున్నాము.
సెంచురీ ప్లై ఎల్లప్పుడూ పర్యావరణ అనుకూల రీతిలోనే తమ కార్యకలాపాలను నిర్వహించటానికి ప్రయత్నిస్తుంది. పర్యావరణానికి తిరిగి ఇవ్వడంలో ఎటువంటి లోటుపాట్లకూ తావివ్వదు. మేము ఇప్పటికే ఈ ప్రాంతంలో పెద్ద సంఖ్య లో మొక్కలు నాటే కార్యక్రమంను ప్రారంభించాము. రైతులకు సంవత్సరానికి 1 కోటి మొక్కలను సరఫరా చేయటం, అదే సమయంలో భవిష్యత్తులో వారి నుండి తిరిగి కొనుగోలు చేసేలా భరోసా ఇస్తున్నాము. మేము మా ఉద్యోగులు, వాటాదారుల సమగ్ర అభివృద్ధిని విశ్వసిస్తున్నాము. మెరుగైన భవిష్యత్తు కోసం ప్లాంట్, సమీపంలో ఉన్న ఇతర ప్రాంతాలకు, సంస్థలకు మేము మద్దతునిస్తూనే ఉంటాము.
కంపెనీ తమ అవకాశాలపై ఆశావాద దృక్పథాన్ని కలిగి ఉంది, దాని బలమైన బ్రాండ్ గుర్తింపు, అపూర్వమైన రీతిలో సామర్థ్య విస్తరణ, స్థిరమైన రీతిలో ఉత్పత్తి ఆవిష్కరణ, విస్తృతశ్రేణి పంపిణీ ఛానెల్‌లు వంటివన్నీ మెరుగైన స్థాయి సేవా నైపుణ్యానికి దోహదం చేస్తాయి. ఈ ప్లాంట్ మా బ్రాండ్ జర్నీకి ఖచ్చితముగా విజయాన్ని అందించనుందని విశ్వసిస్తున్నాము” అని అన్నారు.