కన్నడ సూపర్ స్టార్ డా.శివ రాజ్ కుమార్ హీరోగా నటించిన ’భజరంగి’ 2013లో విడుదలై బాక్సాఫీస్ వద్ద సంచలం సృష్టించింది. ఆ చిత్రానికి కొనసాగింపుగా కన్నడలో వస్తున్న ‘భజరంగి 2’ తెలుగులో ‘జై భజరంగి’గా విడుదలవుతోంది. ఈ సందర్భంగా హైదరాబాద్‌లో జరిగిన కార్యక్రమంలో ఈ చిత్రానికి సంబంధించిన థియేట్రికల్ ట్రైలర్‌ను విడుదల చేశారు. ప్రొడ్యూసర్ కౌన్సిల్ ప్రధాన కార్యదర్శి టి.ప్రసన్న కుమార్, కరుణాకర్ రెడ్డి, రాము, బాలు ఈ కార్యక్రమంలో పాల్గొన్నారు. ఈ సందర్భంగా టి.ప్రసన్న కుమార్ మాట్లాడుతూ.. “బాహుబలి, కెజిఎఫ్ చిత్రాల రేంజ్‌లో వస్తున్న భారీ బడ్జెట్ చిత్రమిది. చంద్రముఖి, అరుంధతి వంటి చిత్రాలలో ఉండే థ్రిల్లింగ్ ఈ సినిమాలో కూడా ఉంది” అని పేర్కొన్నారు. ఈ చిత్ర తెలుగు వర్షన్ నిర్మాత నిరంజన్ పన్సారి మాట్లాడుతూ.. “ఏడు నెలల క్రితం ‘భజరంగి 2’ టీజర్ చూశాను. ఇంత భారీగా నిర్మించిన చిత్రాన్ని తెలుగు ప్రేక్షకులు కూడా ఆదరిస్తారని ఈ చిత్రాన్ని తెలుగు రాష్ట్రాలలో విడుదల చేస్తున్నాము”అని అన్నారు.
‘Jai Bhajarangi’ movie Trailer Released