సైనిక సహకార ఒప్పందంపై సంతకం చేసిన జపాన్, ఇండియా

టోక్యో: భారత్, జపాన్ సైనిక సహకార ఒప్పందంపై సంతకాలు చేశాయి. భారతదేశం, 11 దేశాలకు ప్రాణాంతకమైన రక్షణ పరికరాల ఎగుమతులను జపాన్ అనుమతించింది. దాంతో త్వరలో భారత్ కు జపాన్ తయారీ క్షిపణులు, జెట్ యుద్ధ విమానాలు అందుబాటులోకి రానున్నాయి.

నిక్కీ నివేదిక ప్రకారం భారతదేశం, ఆస్ట్రేలియా , కొన్ని యూరోపియన్, ఆగ్నేయాసియా దేశాలకు ఎగుమతులు చేయడానికి వచ్చే ఏడాది మార్చి నాటికి నిబంధనలు సడలించబడతాయి. జపాన్ రక్షణ పరికరాలను బదిలీ చేయడానికి ఒక సూత్రాన్ని ఏర్పాటు చేసింది.  2014లో వాటి ఎగుమతిని నిషేధించే నిబంధనలను సడలించింది. అయినప్పటికీ, ఇది ఇప్పటికీ ప్రాణాంతక ఆయుధాల ఎగుమతులను నిషేధిస్తుంది.

మంగళవారం టోక్యోలో క్వాడ్ లీడర్స్ సమ్మిట్ మార్జిన్‌లపై జరిగిన సమావేశంలో రక్షణ తయారీతో సహా ద్వైపాక్షిక భద్రత,రక్షణ సహకారాన్ని మెరుగుపరచడానికి ప్రధాని నరేంద్ర మోడీ, జపాన్ ప్రధాని  ఫ్యూమియో కిషిడా అంగీకరించిన కొద్ది రోజుల తర్వాత ఈ పరిణామం చోటుచేసుకుంది. భారత్, జపాన్ ఇప్పుడు ఇండో-పసిఫిక్‌లో బలమైన భద్రతా సహకారాన్ని కలిగి ఉన్నాయి.  ఈ ప్రాంతం అంతటా చైనా యొక్క దూకుడు వైఖరి ఆందోళనలన కారణంగా ఈ రెండు దేశాల సహకారం చాలా వరకు బలపడింది.

Watch | Japanese missiles and jets in India soon; New Delhi, Tokyo sign key pact on military cooperation pic.twitter.com/sGNOpugJSl

— Hindustan Times (@htTweets) May 28, 2022