ప్రముఖ టెలికాం సంస్థలు జియో, ఐడియా, ఎయిర్ టెల్ రీఛార్జ్ ప్లాన్ ధరలను పెంచిన విషయం తెలిసిందే. అయితే దేశంలోని యూజర్లందరూ తమ సిమ్ ను బిఎస్ఎన్ఎల్ కు పోర్ట్ చేసుకున్నారు. దీనికి ప్రధాన కారణం ఈ బిఎస్ఎన్ఎల్ సరసమైన, చౌకైన రీఛార్జ్ ప్లాన్ లను అందిచడం. ఈ నేపథ్యంలో జియో కస్టమర్లను ఆకర్షించేందుకు సరితో సరసమైన, చౌకైన ప్లాన్స్ ని తీసుకువస్తోంది. అదే రూ. 198 రీఛార్జ్ ప్లాన్. ఏది రూ. 200 కంటే తక్కువ ధరలో ఉండడం విశేషం.ఇందులో రోజువారీ 2GB డేటా వస్తుంది. అంతేకాకుండా అపరిమిత 5Gని కూడా అందిస్తుంది. ఇప్పుడు ఈ ప్లాన్ వివరాలు చూద్దాం.
జియో రూ. 198 ప్రీపెయిడ్ ప్లాన్
రిలయన్స్ జియో రూ.198 ప్రీపెయిడ్ ప్లాన్ 14రోజుల వ్యాలిడిటీ తో వస్తుంది. ఇందులో అపరిమిత వాయిస్ కాలింగ్ పొందొచ్చు. అంతేకాకుండా రోజుకు 100 SMS సదుపాయం కూడా పొందొచ్చు. ఇకపోతే రోజుకు 2GB అందిస్తుంది. అయితే, ఈ ప్లాన్ 5G ప్రయోజనాలతో కూడా వస్తుంది. ఈ ప్లాన్ లో అదనపు ప్రయోజనాలు జియో టీవీ, జియో సినిమా, జియో క్లౌడ్ సేవలు వస్తాయి. అయితే, రిలయన్స్ జియో 2GB రోజువారీ డేటా లేదా అంతకంటే ఎక్కువ ప్లాన్‌లతో మాత్రమే అపరిమిత 5Gని అందిస్తుంది. కావున ఇది జియో కస్టమర్లకు అందుబాటులో ఉన్న యాక్టివ్ సర్వీస్ చెల్లుబాటుతో చౌకైన అపరిమిత 5G ప్లాన్ అని చెప్పవచ్చు.