ముంబయి: నటుడు జాన్ అబ్రాహం వీధిలో నడుచుకుంటూ వెళుతున్నప్పుడు బైక్ మీద వెళుతున్న ఇద్దరు అభిమానులు వారి ఫోన్‌తో రికార్డింగ్ చేయసాగారు. కానీ అంతలోనే ఆయన వారి ఫోన్ గబుక్కున లాక్కున్నారు. ఆ తర్వాత వారిని ఆశ్చర్యపరిచారు. ఆఫోన్‌లో కెమెరా ఆన్ చేసి తన అభిమానులతో ‘హై హౌ ఆర్ యూ?’ అన్నాడు ఆ తర్వాత ఆ సెల్ఫీ కెమెరాలో ‘హై, యూ గయ్స్ ఓకే? అతడు నా సేహితుడు’ అన్నాడు. ఆపై ఆ ఫోన్‌ను వారికి ఇచ్చేశాడు. ఆ అభిమానులు తర్వాత కామెంట్స్ సెక్షన్‌లో జాన్‌ను ఎంతగానో పొగిడారు. ‘హీ ఈజ్ సో హ్యుంబుల్’ అని రాశారు. మరొకరు హృదయం ఎమోజీని పోస్ట్ చేశారు.
ప్రస్తుతం జాన్ అబ్రాహం తన ‘సత్యమేవ జయతే 2’ విడుదల కోసం వేచి చూస్తున్నారు. ఇది 2018లో వచ్చిన సినిమాకు సీక్వెల్. ఈసారి యాక్షన్-థ్రిల్లర్ సినిమాలో ఆయన త్రిపాత్రాభినయం చేస్తున్నారు. ఒక పాత్రలో తండ్రిగా, రెండు పాత్రల్లో కవల బిడ్డలుగా. ఆ సినిమా దర్శకుడు మిలాప్ జావేరి ఓ పత్రికకు ఇచ్చిన ఇంటర్వూలో “నేను మన్మోమన్ దేశాయ్, ప్రకాశ్ మెహ్రా, ముకుల్ ఆనంద్, సుభాష్ గయ్ తదితరుల సినిమాలు చూసేవాడిని. వారి సినిమాలు నన్నెంతగానో ఆకర్షించేవి. నేను మొదట జాన్ కోసం సత్యా, జై అనే ద్విపాత్రల కథను రాశాను. ఆ తర్వాత నాకనిపించింది బలమైన పాత్ర తండ్రిదని” అన్నారు. ఈ సినిమాలో దివ్య ఖోస్లా కుమార్ హీరోయిన్‌గా నటించారు. ఇక నోరా ఫతేహీ ‘కుసు కుసు..’ అనే స్పెషల్ సాంగ్‌లో కనిపించనున్నారు. కోవిడ్-19 కారణంగా ఈ సినిమా విడుదల కాస్త ఆలస్యమైంది. నవంబర్ 25న థియేటర్లలో విడుదల కాబోతున్నది. కాగా ఈ సినిమా సల్మాన్ ఖాన్, ఆయుష్ శర్మ నటించిన ‘అంతిం: ద ఫైనల్ ట్రుత్’తో బాక్సాఫీస్ వద్ద పోటీపడబోతున్నది. సల్మాన్ ఖాన్ సినిమా నవంబర్ 26న విడుదల కానున్నది.