హైదరాబాద్: బీజేపీ జాతీయ అధ్యక్షుడు జేపీ నడ్డా తన రాజకీయ పర్యటనలో భాగంగా హైదరాబాద్‌కు చేరుకున్నారు. శంషాబాద్ విమానాశ్రయానికి చేరుకున్న ఆయనకు పార్టీ రాష్ట్ర అధ్యక్షుడు బండి సంజయ్, రాజ్యసభ సభ్యుడు లక్ష్మణ్ స్వాగతం పలికారు. ఆయన రాకతో పార్టీ నేతలు నేరుగా నోవాటెల్ హోటల్‌కు తరలివెళ్లారు. అక్కడ బిజెపి పార్టీ ముఖ్య నేతలతో జెపి నడ్డా భేటీ కానున్నారు.
‘సంపర్క్ సే సంవర్ధన్’ చొరవలో భాగంగా నడ్డా, ఇతర సీనియర్ నాయకులతో పాటు, రాజకీయ సంబంధాలను మరింత పెంపొందించుకుంటూ ప్రముఖ వ్యక్తులను వారి నివాసాలలో కలుసుకుంటారు. సాయంత్రం నాగర్‌కర్నూల్‌లో ‘మహాజన్‌ సంపర్క్ అభియాన్‌’ ఆధ్వర్యంలో జరిగే సభలో పాల్గొననున్నారు.
కేసీఆర్ ప్రభుత్వ లోపాలను ఎత్తిచూపేందుకు నడ్డా ఈ వేదికను ఉపయోగించుకుంటారని బీజేపీ వర్గాలు సూచిస్తున్నాయి. తెలంగాణకు కేటాయించిన నిధులతో సహా గత తొమ్మిదేళ్లుగా ప్రధానమంత్రి నరేంద్రమోఢీ చేపడుతున్న సాహసోపేతమైన నిర్ణయాలను గురించి జెపి నడ్డా బహిరంగ సభలో ప్రస్తావించనున్నట్లు తెలుస్తోంది.