2007లో ‘లక్ష్మీ కళ్యాణం’ చిత్రంతో టాలీవుడ్‌లో అడుగుపెట్టింది అందాల తార కాజల్ అగర్వాల్. చందమామ-, మగధీర లాంటి బ్లాక్‌బస్టర్ చిత్రాల్లో నటించాక స్టార్ హీరోయిన్‌గా వెనుదిరిగి చూడాల్సిన పని లేకుండా రెండు దశాబ్ధాల కెరీర్‌ని సునాయాసంగా నడిపించేసింది. ఈ జర్నీలో కాజల్ తమిళం, హిందీలోనూ సత్తా చాటే ప్రయత్నం చేసింది. తెలుగు, తమిళంలో అగ్ర హీరోల సరసన నటిస్తూ ఇప్పటికీ కెరీర్ పరంగా ఫుల్ బిజీగా ఉంది. మెగాస్టార్ చిరంజీవి సరసన ‘ఆచార్య’లో నటిస్తున్న కాజల్ ‘భారతీయుడు 2’లోనూ కథానాయిక. నాగార్జున, -ప్రవీణ్ సత్తారు చిత్రంలోనూ ఆమె హీరోయిన్. ఇతర చిత్రాలతోనూ కెరీర్ పరంగా బిజీగా ఉంది. తాజాగా కాజల్ మరో క్రేజీ ప్రాజెక్ట్‌కి సంతకం చేసింది. తధాగతట సింఘ దర్శకత్వంలో ‘ఉమ’ అనే చిత్రంలో లీడ్ పాత్రను పోషిస్తోంది. ఇది పెళ్లి నేపథ్యంలో ఫ్యామిలీ డ్రామా కథాంశంతో తెరకెక్కనుంది. 2021 సెకండాఫ్‌లో ఒకే సుదీర్ఘ షెడ్యూల్‌లో ఈ సినిమాని పూర్తి చేస్తారట.