హైదరాబాద్: గౌతమ్ అదానీపై అమెరికాలో కేసు నమోదు నేపథ్యంలో బిఆర్ఎస్ ఎంఎల్ సి కల్వకుంట్ల కవిత స్పందించారు. ఎక్స్ వేదికగా సంచలన ట్వీట్ చేశారు. జైలు నుంచి విడుదలయ్యాక తొలిసారి ఆమె ప్రధాని మోడీపై, బిజెపి పై తీవ్ర ఆరోపణలు చేశారు.
అఖండ భారతంలో అదానికో న్యాయం..ఆడబిడ్డకో న్యాయమా? అని ప్రశ్నించారు. ఆధారాలు లేకున్నా ఆడబిడ్డను కాబట్టి అరెస్టు చేయడం ఈజీ, ఆధారాలు ఉన్నా అదానినీ అరెస్టు చేయడం కష్టమా? అని నిలదీశారు. ఎన్ని ఆరోపణలు వచ్చినా ప్రధాని మోడీ అదానీకి అండగా ఉంటూ వచ్చారన్నారు. జైలు నుంచి విడుదలయ్యాక తొలిసారి కవిత ఎక్స్ వేదికగా రాజకీయ వ్యాఖ్యలు చేయడం హాట్ టాపిక్ గా మారింది. కవిత ట్వీట్ చేసిన గంటలోపే వేయికి పైగా లైక్స్, వందకు పైగా కామెంట్స్ వచ్చాయి.
అఖండ భారతంలో
అదానికో న్యాయం…
ఆడబిడ్డకో న్యాయమా ?ఆధారాలు లేకున్నా ఆడబిడ్డను కాబట్టి అరెస్ట్ చేయడం ఈజీ. ఆధారాలు ఉన్నా అదానీను అరెస్ట్ చేయడం మాత్రం కష్టమా ?
ఎన్ని సార్లు ఆరోపణలు వచ్చినా ప్రధాని అదానీ వైపేనా ??
— Kavitha Kalvakuntla (@RaoKavitha) November 21, 2024