ఊపిరాడకుండా చేసి మేనత్తపై బాలుడు హత్యాచారం…

బెంగళూరు: కామంతో కళ్లు మూసుకొని తల్లిలాంటి మేనత్తపై మైనర్ బాలుడు అత్యాచారం చేయడంతో పాటు ఆమెను హత్య చేసిన సంఘటన కర్నాటక రాష్ట్రం దక్షిణ కన్నడ జిల్లాలో జరిగింది. పోలీసులు తెలిపిన వివరాల ప్రకారం…. ఉప్పినంగడి గ్రామంలో ఓ మహిళ(37) మృతి చెందడంతో స్థానికులు పోలీసులకు సమాచారం ఇచ్చారు. ఆమెకు ఎటువంటి అనారోగ్య సమస్యలు లేకపోవడంతో ఎలా చనిపోయిందని స్థానికులు అనుమానం వ్యక్తం చేశారు. స్థానికుల సమాచారం మేరకు పోలీసులు అక్కడికి చేరుకొని కేసు నమోదు చేసి దర్యాప్తు ప్రారంభించారు. మృతదేహం ఎక్కడ గాయాలు లేకపోవడంతో ఆమె మరో వ్యక్తితో పెనుగులాట జరిగినట్టు ఆనవాళ్లు గుర్తించారు. పదో తరగతి విద్యార్థి మేనత్త గుండెపోటుతో మృతి చెందిందని తండ్రికి చెప్పాడు. దీంతో బాలుడిని పోలీసులు అదుపులోకి తీసుకొని తనదైన శైలిలో ప్రశ్నించడంతో నిజాలు ఒప్పుకున్నాడు. సాయంత్రం సమయంలోనే మేనత్త ఇంటికి వెళ్లేసరికి ఆమె గాఢ నిద్రలో ఉందని, ఆమెపై అత్యాచారం చేయడానికి ప్రయత్నించడంతో ప్రతిఘటించింది. ఈ విషయం మీ తల్లిదండ్రులకు చెబుతానని హెచ్చరించడంతో ఆమె తలపై దిండు పెట్టి ఊపిరాడకుండా చేసి హత్య చేశా అని బాలుడు ఒప్పుకున్నాడు. పోలీసులు కేసు నమోదు చేసి అతడిని జువైనల్ హోమ్‌కు తరలించారు.