షిగెలోసిస్ అనేది చాలా సామాన్యమైన వ్యాధేమి కాదు. దానిని సులభంగా నయం చేయొచ్చని డాక్టర్లు చెబుతుంటారు. కానీ వైద్యుడిని సంప్రదించడంలో ఆలస్యం అయితే అది ఫుడ్ పాయిజనింగ్ ప్రభావాన్ని తీవ్రతరం చేస్తుంది. దీనికి పిల్లలు, రోగ నిరోధక శక్తి తక్కువ ఉన్నవారు బలి అవుతుంటారు.
తిరువనంతపురం: కాసర్‌గోడ్‌లో ఫుడ్ పాయిజనింగ్ ఘటనకు షిగెల్లా బాక్టీరియా కారణమని కేరళ ఆరోగ్య శాఖ మంగళవారం (మే 3) గుర్తించింది, ఇది 16 ఏళ్ల బాలిక ప్రాణాలను బలిగొంది. 30 మంది ఆసుపత్రిలో చేరడానికి దారితీసింది. గత వారం కాసర్‌గోడ్‌లోని చెరువత్తూరులో ఒక తినుబండారం నుండి చికెన్ షావర్మా సేవించిన తర్వాత చికిత్స పొందుతున్న వ్యక్తుల రక్తం, మలంలో బ్యాక్టీరియా ఉనికిని నిర్ధారించారు. తినుబండారం యజమాని, సిబ్బందిని పోలీసులు అదుపులోకి తీసుకున్నారు.
షిగెల్లా అనేది ఎంటెరోబాక్టర్ కుటుంబానికి చెందిన ఒక బాక్టీరియం – పేగులో ఉండే బ్యాక్టీరియా సమూహం, ఇవన్నీ మానవులలో వ్యాధిని కలిగించవు. ఇది ప్రధానంగా ప్రేగులను ప్రభావితం చేస్తుంది. విరేచనాలు, కొన్నిసార్లు రక్తస్రావం, కడుపు నొప్పి మరియు జ్వరానికి దారితీస్తుంది. వ్యాధి నియంత్రణ, నివారణ కోసం “ఒకరిని అనారోగ్యానికి గురిచేయడానికి తక్కువ సంఖ్యలో బ్యాక్టీరియా” మాత్రమే పడుతుంది కాబట్టి ఇన్ఫెక్షన్ సులభంగా వ్యాపిస్తుంది’’ అని వ్యాధి నియంత్రణ, నిరోధక కేంద్రం తెలిపింది.
ఇది ఆహారం మరియు నీటి ద్వారా సంక్రమించే ఇన్ఫెక్షన్. ఎవరైనా కలుషితమైన ఆహారాన్ని తిన్నప్పుడు – కేరళలో లాగా – కడగని పండ్లు లేదా కూరగాయలను తీసుకుంటే సంభవించవచ్చు. రోగి యొక్క విసర్జనతో ప్రత్యక్షంగా లేదా పరోక్షంగా కూడా ఈ వ్యాధి సులభంగా వ్యాపిస్తుంది. అంతేకాక మీరు కలుషితమైన నీటిలో ఈత లేదా స్నానం చేస్తే మీకు వ్యాధి సోకుతుంది.
“షిగెల్లాతో ఉన్న సమస్య ఏమిటంటే- ఇది అన్ని ఇతర అవయవాలను ప్రభావితం చేసేలా విషాన్ని ఉత్పత్తి చేస్తుంది. కాబట్టి, యాంటీబయాటిక్స్ ఇచ్చిన తర్వాత కూడా బాక్టీరియా శరీరంలో విస్తరిస్తూనే ఉంటే, అది విషాన్ని ఉత్పత్తి చేస్తూనే ఉంటుంది, అది కిడ్నీపై ప్రభావం చూపుతుంది, మూర్ఛలను కలిగిస్తుంది, బహుళ అవయవ వైఫల్యానికి దారితీస్తుంది. షాక్‌కు గురిచేస్తుంది మరియు ప్రాణాంతకంగా కూడా మారుతుంది.’’ అని బెంగళూరులోని ఇండియన్ ఇన్‌స్టిట్యూట్ ఆఫ్ సైన్స్‌లోని సెంటర్ ఫర్ ఇన్ఫెక్షియస్ డిసీజ్ రీసెర్చ్ అసోసియేట్ ప్రొఫెసర్ డాక్టర్ అమిత్ సింగ్ అన్నారు. అయితే ఇది చాలా సందర్భాలలో జరగదని డాక్టర్ సింగ్ తెలిపారు. ” షిగెల్లా సంక్రమణ మరణాలు 1 శాతం కంటే తక్కువగా ఉంటుంది” అని ఆయన వివరించారు.
