‘క్రాక్’ వంటి బ్లాక్ బస్టర్ హిట్ తర్వాత మాస్ మహారాజ రవితేజ నటిస్తున్న హై ఓల్టేజ్ యాక్షన్ ఎంటర్‌టైనర్ ’ఖిలాడి’. ‘రాక్షసుడు’ ఫేమ్ రమేష్ వర్మ ఈ చిత్రానికి దర్శకత్వం వహిస్తున్నారు. పెన్ స్టూడియోస్ జయంతీలాల్ గడ సమర్పణలో హవీష్ ప్రొడక్షన్స్ బ్యానర్‌పై సత్యనారాయణ కోనేరు ఈ చిత్రాన్ని భారీ బడ్జెట్‌తో నిర్మిస్తున్నారు. రవితేజ ద్విపాత్రాభినయం చేస్తున్న ఈ చిత్రంలో మీనాక్షి చౌధరి, – డింపుల్ హయతి హీరోయిన్లుగా నటిస్తున్నారు. ఇప్పటికే విడుదలైన ఫస్ట్ లుక్, – ఫస్ట్ గ్లిమ్స్ మంచి స్పందన తెచ్చుకున్నాయి. ఈ క్రమంలో ఉగాది కానుకగా ‘ఖిలాడి’ టీజర్‌ను విడుదల చేయనున్నట్లు అధికారికంగా చిత్ర యూనిట్ ప్రకటించింది. ఈ టీజర్‌ను ఏప్రిల్ 12న ఉదయం 10.08 గంటలకు రిలీజ్ చేయనున్నట్లు మేకర్స్ వెల్లడించారు. ఈ సందర్భంగా విడుదల చేసిన పోస్టర్‌లో రవితేజ సూపర్ స్టైలిష్‌గా ఉన్నాడు. కాగా దర్శకుడు రమేష్ వర్మ ఉన్నత స్థాయి సాంకేతిక విలువలతో ‘ఖిలాడి’ని ఆద్యంతం ఉత్కంఠభరితంగా తీర్చిదిద్దుతున్నాడని తెలిసింది. ఇటీవల ఇటలీలో భారీ షెడ్యూల్ పూర్తిచేసుకున్న ఈ చిత్రానికి సౌత్ ఇండస్ట్రీలోని నలుగురు టాప్ ఫైట్ మాస్టర్లు రామ్-, లక్ష్మణ్ అన్బు-. అరివు యాక్షన్ కొరియోగ్రఫీ చేస్తుండడం విశేషం.