హీరో విజయ్ దేవరకొండ తన కొత్త సినిమా ‘కింగ్ డమ్’ సాంగ్ షూట్ కోసం శ్రీలంక వెళ్తున్నారు. ఈ సినిమాలోని ఓ లవ్ సాంగ్‌ను ఈ షెడ్యూల్‌లో చిత్రీకరించనున్నారు. వారం రోజుల పాటు ఈ షెడ్యూల్ జరుగనుంది. లవ్ సాంగ్స్ చేయడంలో మ్యూజిక్ డైరెక్టర్ అనిరుధ్ స్పెషాలిటీ అందరికీ తెలిసిందే. ‘కింగ్ డమ్’ లవ్ సాంగ్స్‌కు కూడా ఆయన బ్లాక్ బస్టర్ ట్యూన్స్ రెడీ చేశారు. శ్రీలంక వెళ్తున్న విజయ్ ఎయిర్ పోర్ట్ పిక్స్ వైరల్ అవుతున్నాయి. రౌడీ ట్రెండీ సమ్మర్ వేర్‌లో స్టైల్ ఐకాన్‌గా కనిపిస్తున్నారు విజయ్. ఇటీవల రిలీజ్ చేసిన ‘కింగ్ డమ్’ టీజర్ భారీ స్పందన తెచ్చుకుంటోంది. ఏఐ వీడియోతో రిలీజ్ చేసిన టీజర్ ఒరిజినల్ సౌండ్ ట్రాక్‌కు కూడా భారీ స్పందన వచ్చింది. ‘కింగ్ డమ్’ చిత్రాన్ని యంగ్ టాలెంటెడ్ డైరెక్టర్ గౌతమ్ తిన్ననూరి రూపొందిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్స్‌పై నాగవంశీ, సాయి సౌజన్య భారీ పాన్ ఇండియా చిత్రంగా నిర్మిస్తున్నారు. ‘కింగ్ డమ్’ సినిమా మే 30న వరల్డ్ వైడ్ గ్రాండ్‌గా థియేట్రికల్ రిలీజ్‌కు రెడీ అవుతోంది.