చెన్నై: ఐపిఎల్‌లో భాగంగా చిదంబరం స్టేడియంలో కోల్‌కతా నైట్ రైడర్స్‌తో జరిగిన మ్యాచ్‌లో రాయల్ ఛాలెంజర్స్ బెంగళూరు 20 ఓవర్లలో నాలుగు వికెట్లు కోల్పోయి 204 పరుగులు చేసింది. కెకెఆర్ ముందు ఆర్‌సిబి 205 పరుగుల లక్ష్యాన్ని ఉంచింది. మ్యాక్స్‌వెల్, ఎబి డివిలియర్స్ హాఫ్ సెంచరీ అదరగొట్టారు. మ్యాక్స్‌వెల్ 49 బంతుల్లో 78 పరుగులు చేసి ఔటయ్యాడు. డివిలియర్స్ 34 బంతుల్లో 76 పరుగులు చేసి నాటౌట్ గా నిలిచాడు. మూడో వికెట్‌పై మ్యాక్స్‌వెల్-పడిక్కల్ 58 బంతుల్లో 86 పరుగుల భాగస్వామ్యం నెలకొల్పారు. నాలుగో వికెట్‌పై ఎబి డివిలియర్స్-మ్యాక్స్‌వెల్ 37 బంతుల్లో 53 పరుగుల భాగస్వామ్యం నెలకొల్పారు. ఐదో వికెట్ పై ఎబి డివిలియర్స్-జెమీసన్ 20 బంతుల్లో 56 భాగస్వామ్యం నెలకొల్పారు. ఆర్‌సిబి బ్యాట్స్‌మెన్లు గ్లెన్ మ్యాక్స్‌వెల్(78), ఎబి డివిలియర్స్(76), దేవ్‌దూత్ పడిక్కల్ (25), కైల్ జెమీసన్ (11), విరాట్ కోహ్లీ(05), రజత్ పాటిదర్ (01) పరుగులు చేశారు. కోల్‌కతా నైట్ రైడర్స్ బౌలర్లలో వరుణ్ చక్రవర్తి రెండు వికెట్లు, ప్యాట్ కమ్నీస్, ప్రసిధ్ క్రిష్ణ చెరో ఒక వికెట్ తీశాడు.