హైదరాబాద్: కూకట్ పల్లి కాంగ్రెస్ పార్టీలో టికెట్ల పంచాయతీ మొదలైంది. 40 ఏళ్ల పాటు పార్టీ కోసం పనిచేస్తే పంగ నామాలు పెట్టారు అని గొట్టిముక్కల వెంగల్ రావు ఆరోపించారు. అది టిపిసిసి కాదు అది రేవంత్ రెడ్డి ఆధ్వర్యంలోని టిటిడిపి అని ఆయన మండిపడ్డారు. దశాబ్దాల నుండి పార్టీలో ఉన్నవారికి కనీస గుర్తింపు ఇప్పుడు ఉన్న కాంగ్రెస్ పార్టీలో లేదని మండిపడ్డారు. కార్యకర్తలుగా జెండా పట్టిన వారికి కనీస గుర్తింపు లేకపోతే ఎలా అని ఆయన ప్రశ్నించారు. కష్టకాలంలో అండగా ఉంటే ఇదేనా మాకు ఇచ్చే గౌరవం అంటూ కాంగ్రెస్ పార్టీ క్యాడర్ ఆవేదన చెందుతోంది. తమను నమ్ముకున్న క్యాడర్ ను నట్టేటా ముంచారని ఫైర్ ఆయన అయ్యారు.
కొత్తగా వచ్చిన వారికి పార్టీలో అందలం ఎక్కించారు. రేవంత్ రెడ్డి ఆయనకు నచ్చిన వారికి.. ఆయనలాగా పార్టీలోకి కొత్తగా వచ్చిన వారికి మాత్రమే టికెట్లు ఇచ్చి మాలాంటి కాంగ్రెస్ నాయకులకు మొండి చేయి చూపారని ఆగ్రహం వ్యక్తం చేశారు. గతంలో కాంగ్రెస్ అంటే నమ్మకం ఇప్పుడు కాంగ్రెస్ పార్టీ అంటే అమ్మకం అని గొట్టిముక్కల వెంగళరావు తీవ్రంగా ఆరోపించారు. కూకట్ పల్లి కాంగ్రెస్ పార్టీ టికెట్ దక్కకపోవడంతో గొట్టిముక్కల వెంగళరావు కాంగ్రెస్ పార్టీకి రాజీనామా చేశారు.