పవన్‌కళ్యాణ్, రాణా దగ్గుబాటిల కాంబినేషన్‌లో సితార ఎంటర్‌టైన్‌మెంట్స్ నిర్మిస్తున్న చిత్రం ’భీమ్లా నాయక్’. స్క్రీన్ ప్లే-, సంభాషణలను సుప్రసిద్ధ దర్శకుడు, రచయిత త్రివిక్రమ్ అందిస్తుండగా సూర్యదేవర నాగవంశీ ఈ చిత్రాన్ని నిర్మిస్తున్నారు. ఈ చిత్రానికి దర్శకుడు సాగర్ కె.చంద్ర. ’భీమ్లా నాయక్’ చిత్రం నుంచి రాణా పరిచయ చిత్రంను సోమవారం విడుదల చేశారు. డేనియల్ శేఖర్‌గా రాణా పోషిస్తున్న పాత్ర స్వరూప, స్వభావాలు, తీరు తెన్నులు ఎలా ఉంటాయన్న దానికి ఈ ప్రచార చిత్రం ఓ కర్టెన్ రైజర్ లాంటిది. ‘నీ మొగుడు గబ్బర్ సింగ్ అంట..? స్టేషన్‌లో టాక్ నడుస్తోంది… నేనెవరో తెలుసా ధర్మేంద్ర … హీరో ..హీరో..! డేనీ ఎంటర్‌టైన్‌మెంట్స్ ప్రొడక్షన్ నంబర్ వన్…!’ అంటూ ఈ ప్రచార చిత్రంలో డేనియల్ శేఖర్ పాత్ర పలికే సంభాషణలు ఈ విషయాన్ని మరింత స్పష్టం చేస్తాయి. ప్రస్తుతం ఈ చిత్రం షూటింగ్ కార్యక్రమాలను జరుపుకుంటోంది. 2022 జనవరి 12న ఈ చిత్రాన్ని విడుదల చేయనున్నట్లు చిత్ర నిర్మాత సూర్యదేవర నాగవంశీ తెలిపారు. ఈ చిత్రంలో నిత్యామీనన్ నాయిక. రావు రమేష్, మురళీశర్మ, సముద్ర ఖని, రఘుబాబు, నర్రా శ్రీను, కాదంబరికిరణ్ తదితరులు ఇతర ప్రధాన పాత్రల్లో నటిస్తున్నారు.
https://youtu.be/7JCQV8PpMwM