న్యూఢిల్లీ : షాపూర్జీ పల్లోంజి(ఎస్‌పి) గ్రూప్ చైర్మన్, బిలియనీర్ పల్లోంజి మిస్త్రీ మంగళవారం తెల్లవారుజామున కన్నుమూశారు. ఆయన వయసు 93 ఏళ్లు. పల్లోంజీకి భార్య పాట్సి, కుమార్తెలు లైలా రుస్తమ్ జెహంగీర్, ఆలూ నోయెల్ టాటా, కుమారుడు షాపూర్ మిస్త్రీ, సైరస్ మిస్ట్రీ ఉన్నారు. మిస్త్రీ అంత్యక్రియలను బుధవారం ముంబైలో నిర్వహించనున్నారు. మిస్త్రీకి చెందిన నిర్మాణ సంస్థ ఎస్‌పి గ్రూప్‌నకు టాటా గ్రూప్‌లో 18.37 శాతం వాటా ఉంది. పల్లోంజి ఎప్పుడూ తక్కువ ప్రొఫైల్ నిర్వహించేవారు, టాటా గ్రూప్ వ్యవహారాలపై ఆయన పరోక్ష ప్రభావానికి గాను ‘పాంటమ్ ఆఫ్ బాంబే హౌస్’గా గుర్తింపు పొందారు. బాంబే హౌస్ టాటా గ్రూప్‌నకు అధికార కార్యాలయంగా ఉంది. రతన్ టాటా సోదరుడు నోయెల్ టాటాతో పల్లోంజి కుమార్తె ఆలూ వివాహం జరిగింది.
ఆఫ్రికాకు విస్తరించిన వ్యాపారం
షాపూర్జీ పల్లోంజీ గ్రూప్ ఇంజినీరింగ్, కన్‌స్ట్రక్షన్, ఇన్‌ఫ్రాస్ట్రక్చర్, రియల్ ఎస్టేట్, వాటర్ ఎనర్జీ, ఫైనాన్స్ సర్వీసెస్ రంగాలలో సేవలు అందిస్తోంది. 50 వేల మందికి పైగా ఉద్యోగులు వివిధ కంపెనీలలో ఈ గ్రూప్ కోసం పనిచేస్తున్నారు. భారతదేశం కాకుండా షాపూర్జీ పల్లోంజీ గ్రూప్ వ్యాపారం ఆసియాలోని ఇతర దేశాల నుండి ఆఫ్రికా వరకు విస్తరించింది. ఫోర్బ్ జాబితా ప్రకారం, షాపూర్జీ ప్రపంచంలోని ధనవంతుల జాబితాలో 143వ స్థానంలో ఉన్నారు.
టాటా సన్స్‌లో కుటుంబానికి 18.4% వాటా
పల్లోంజీ కుటుంబానికి టాటా సన్స్‌లో అతిపెద్ద వాటా దాదాపు 100 బిలియన్ డాలర్ల విలువచేసే 18.4 శాతం వాటా ఉంది. షాపూర్జీ పల్లోంజీ గ్రూప్‌ను 1865లో స్థాపించారు. గత సంవత్సరం కంపెనీ తన కన్స్యూమర్ డ్యూరబుల్స్ వ్యాపారాన్ని అమెరికన్ ప్రైవేట్ ఈక్విటీ, ఫండ్ అడ్వెంట్ ఇంటర్నేషనల్‌కు విక్రయించింది.
2016లో పద్మభూషణ్‌తో సత్కరించారు
పరిశ్రమకు ఆయన చేసిన సేవలకు గాను 2016లో పల్లోంజిని ప్రభుత్వం భారతదేశంలో మూడో అత్యున్నత పౌర పురస్కారమైన పద్మభూషణ్‌తో సత్కరించింది. పల్లోంజీ మిస్త్రీ ముంబైలోని గుజరాత్‌లోని పార్సీ కుటుంబంలో జన్మించారు.