- Advertisement -
చిత్తూరు: తిరుమల కాలినడక మార్గంలో బోనులో మరో చిరుత చిక్కింది. గురువారం ఉదయం అలిపిరి కాలినడక మార్గంలో కొత్త మండపం వద్ద ఏర్పాటు చేసిన బోనులో చిరుత చిక్కింది. నాలుగు రోజుల క్రితమే ట్రాప్ కెమెరాకు చిరుత చిక్కడంతో అటవీశాఖ అధికారులు బోను ఏర్పాటు చేశారు. ఎట్టకేలకు ఈ రోజు చిరుత బోనులో చిక్కింది.
కాగా, ఇటీవల తిరుమలకు కాలినడకను వెళ్తున్న బాలుడిపై ఓ చిరుత దాడి చేసి చంపిన ఘటనతో అటవీశాఖ అధికారులు అప్రమత్తమయ్యారు. భక్తులు కాలినడకన రావడానికి భయాందోళనకు గురవుతుండడంతో చిరుతలను పట్టేందుకు రంగంలోకి దిగిన అధికారులు ఇప్పటికే ఐదు చిరుతలను బంధించిన విషయం తెలిసిందే.
- Advertisement -