- Advertisement -
మనతెలంగాణ, సిటిబ్యూరో: నడుచుకుంటూ వెళ్తున్న మహిళ మెడలోని చైన్‌ను తెంపుకుని పారిపోతున్న దొంగను స్థానికులు పట్టుకుని పోలీసులకు అప్పగించిన సంఘటన సనత్‌నగర్ పోలీస్ స్టేషన్ పరిధిలో గురువారం చోటుచేసుకుంది. పోలీసుల కథనం ప్రకారం….మొయినాబాద్‌కు చెందిన నాగరాజు(30) ఎర్రగడ్డలోని జనప్రియ అపార్ట్‌మెంట్ వద్ద నడుచుకుంటున్న మహిళ మెడలోని మూడు తులాల బంగారు చైన్‌ను లాగేశాడు. అదే సమయంలో అక్కడి నుంచి పరారయ్యేందుకు యత్నించగా బైక్ అదుపుతప్పి కిందపడిపోయింది. దీంతో స్థానికులు దొంగను పట్టుకుని చితకబాది పోలీసులకు అప్పగించారు. కేసు నమోదు చేసుకుని దర్యాప్తు చేస్తున్నట్లు సనత్‌నగర్ పోలీసులు తెలిపారు.
- Advertisement -