- Advertisement -
అమరావతి: ఆంధ్రప్రదేశ్ రాష్ట్రం అన్నమయ్య జిల్లా రామాపూరం మండలంలో రోడ్డు ప్రమాదం చోటుచేసుకుంది. మేదరపల్లి చెక్‌పోస్టు వద్ద మంగళవారం ఉదయం ఆర్‌టిసి బస్సును సిమెంట్ లారీ ఢీకొట్టడంతో 30 మంది ప్రయాణికులు తీవ్రంగా గాయపడ్డారు. గాయపడిన వారిని రాయచొటి, కడప ప్రభుత్వ ఆస్పత్రికి తరలించారు. క్షతగాత్రులలో ముగ్గురు పరిస్థితి విషమంగా ఉన్నట్టు సమాచారం. వేలూరు నుంచి హైదరాబాద్‌కు వెళ్తున్న సూపర్ లగ్జరీ బస్సును, కడప నుంచి రాయచోటికి సిమెంట్ లోడుతో వెళ్తున్న లారీ ఢీకొట్టింది. వాహనదారుల సమాచారం మేరకు పోలీసులు ఘటనా స్థలానికి చేరుకొని సహాయక చర్యలు చేప్టటారు. ట్రాఫిక్ జామ్ కావడంతో రెండు వాహనాలను క్రేన్ సహాయంతో పక్కకు తొలగించారు.
- Advertisement -