హైదరాబాద్: ‘మా’ ఎన్నికల పోలింగ్ కేంద్రం వద్ద రసాభాస నెలకొంది. రెండు ప్యానెల్‌ సభ్యుల మధ్య మాటల యుద్ధం తారా స్థాయికి చేరుకుంది. దీంతో పోలింగ్ కేంద్రం వద్ద గందరగోళ వాతావరణం చోటుచేసుకుంది. మరోవైపు మధ్యాహ్నం 2 గంటల వరకే పోలింగ్ జరగనున్న నేపథ్యంలో సినీ ప్రముఖులు ఓటు వేసేందుకు పోలింగ్ కేంద్రం వద్దకు చేరుకుంటున్నారు. కొద్దిసేపటిక్రితమే హీరోయిన్ పూనమ్ కౌర్ పోలింగ్ కేంద్రం వద్దకు చేరుకుని ఓటు వేసింది. అనంతరం పూనమ్ మీడియాతో మాట్లాడుతూ.. ప్రకాశ్ రాజ్ కు సపోర్ట్ చేశాను. రాజకీయ లబ్ధి కోసం ఆర్టిస్టులను సతాయించడం మానేయాలి. రాజకీయాలను ‘మా’తో లింక్ పెట్టొద్దు. ప్రకాశ్ రాజ్ గెలిస్తే బాగుంటుంది” అని పేర్కొంది. కాగా, ఇప్పటికే పలువురు సినీ ప్రముఖులు తమ ఓటును వినియోగించుకున్నారు. రాత్రి 8 గంటలకు ఎన్నికల అధికారి ఫలితాలను వెల్లడించనున్నారు.
MAA Elections 2021: Poonam Kaur Cast her Vote