హైలైట్‌గా కామెడీ ట్రాక్

సూపర్ స్టార్ మహేష్‌బాబు హీరోగా పరశురామ్ దర్శకత్వంలో రానున్న సినిమా ‘సర్కారు వారి పాట’ గురించి ఒక ఆసక్తికరమైన విషయం తెలిసింది. ఈ ఫ్యామిలీ యాక్షన్ ఎంటర్‌టైనర్‌లో పరశురామ్ సూపర్ కామెడీ ట్రాక్‌ను రాశాడని సమాచారం. ఈ ట్రాక్ మహేష్, బ్రహ్మాజీ, వెన్నెల కిషోర్ మధ్య రానుందని, ఈ కామెడీ ట్రాక్ సినిమాలోనే మెయిన్ హైలైట్‌గా నిలుస్తుందట. ఇకపోతే ఈ ట్రాక్ మొత్తం సెకెండ్ హాఫ్‌లో వస్త్తుందని తెలిసింది. ఈ కామెడీ ట్రాక్ మహేష్ పాత్ర చుట్టూ తిరుగుతుందట. వీళ్ళ ముగ్గురి మధ్య ఫుల్ కన్‌ఫ్యూజన్ డ్రామా చాలా బాగుంటుందట. అంటే మహేష్ వేసే ప్లాన్స్ చుట్టూ వచ్చే సీన్స్ ఫుల్ ఎంటర్‌టైన్‌గా ఉంటాయని తెలిసింది. ప్రముఖ నిర్మాణ సంస్థలు మైత్రీ మూవీస్, 14 రీల్స్ ప్లస్ బ్యానర్స్‌తో పాటు మహేష్ బాబు సొంత నిర్మాణ సంస్థ జీఎంబి ఎంటర్‌టైన్‌మెంట్స్‌పై ఈ సినిమాను భారీ బడ్జెట్‌తో నిర్మిస్తున్నారు. ఇక చాలా కాలం తర్వాత మహేష్ లవర్ బాయ్‌గా ఈ సినిమాలో నటించనున్నాడు. ఇందులో కీర్తి సురేష్ హీరోయిన్‌గా నటిస్తోంది.