సూపర్ స్టార్ మహేష్ బాబు దర్శక దిగ్గజం ఎస్‌ఎస్ రాజమౌళితో ఓ భారీ చిత్రం చేయనున్న సంగతి తెలిసిందే. మహేష్ కెరీర్‌లో 29వ సినిమాగా దీనిని పాన్ వరల్డ్ లెవెల్లో ప్లాన్ చేస్తున్నారు. అయితే ఈ భారీ చిత్రం మొదలు పెట్టే ముందు ఉన్న గ్యాప్‌లోనే ఈ చిత్రం కోసం తనని తాను ప్రిపేర్ చేసుకుంటునే ఉన్న కొంత సమయాన్ని ఫ్యామిలీతో కూడా మహేష్ గడుపుతున్నారు.
అయితే తన గారాల పట్టి ఘట్టమనేని సితార పుట్టినరోజు సందర్భంగా మహేష్ సోషల్ మీడియాలో తన స్పెషల్ విషెస్‌ని అందించాడు. సితార సెల్ఫీ పిక్‌ని పోస్ట్ చేసి… “హ్యాపీ 12, నా చిట్టి తల్లి… ఒక స్టార్‌లా ఎప్పటికీ షైన్ అవుతూ ఉండు… ఈ స్పెషల్ డే నీకు మరింత స్పెషల్ గా మారాలి. ఎప్పటికీ నిన్ను ప్రేమిస్తూనే ఉంటాను” అంటూ బ్యూటిఫుల్ విషెస్‌ని మహేష్ బాబు తెలిపాడు. దీంతో ఈ స్పెషల్ పోస్ట్ ఇప్పుడు ఫ్యాన్స్‌లో వైరల్ గా మారింది. అలాగే అభిమానులు కూడా సితారకి పుట్టినరోజు శుభాకాంక్షలు తెలియజేశారు. ఇక మహేష్‌తో సినిమాను రాజమౌళి అడ్వెంచర్ మూవీగా తీర్చిదిద్దనున్నారు. ఈ సినిమాలో సూపర్ స్టైలిష్‌గా హాలీవుడ్ హీరో రేంజ్‌లో మహేష్ లుక్ ఉండనుంది.