మహేష్ బాబు హీరోగా త్రివిక్రమ్ దర్శకత్వంలో ఓ భారీ ప్రాజెక్ట్ సిద్ధమవబోతుందనే విషయం తెలిసిందే. ‘అతడు’ ‘ఖలేజా’ వంటి ఫ్యాన్స్ కలకాలం గుర్తు పెట్టుకునే సినిమాల చేసిన తర్వాత వీరిద్దరి కలయికలో తెరకెక్కనున్న ఈ ప్రాజెక్ట్ పై మంచి అంచనాలే ఉన్నాయి. దాంతో ఈ సినిమాలో మహేష్ ఏ తరహా పాత్ర చేయబోతున్నాడు, కథేంటి అనే విషయాలు చర్చనీయ అంశంగా మారాయి. ఇప్పటికే పార్థ్ధు అనే టైటిల్ హాట్ టాపిక్‌గా మారింది. ఈ సినిమాలో మహేష్ బాబు ఓ డాన్ కొడుకుగా కనిపించబోతున్నాడట. అలాగే ఆ డాన్ పాత్రను అనీల్ కపూర్ చేయబోతున్నాడని సమాచారం.
ఇది తండ్రి కొడుకుల మధ్య జరిగే యుద్దం అని అంటున్నారు. ఇందులో మహేష్ మిడిల్ క్లాస్ కుర్రాడుగా కనపడతాడని చెబుతున్నారు. మునుపెన్నడూ చూడని విధంగా మహేష్ బాబు పాత్ర స్టెలిష్‌గా డిజైన్ చేసారట. వచ్చే ఏడాది వేసవిలో ఈ సినిమాను విడుదల చేసేందుకు సన్నాహాలు జరుగుతున్నాయి. ఈ సినిమాలో ఇద్దరు హీరోయిన్స్ నటించబోతున్నట్లు తెలిసింది. అందులో ఒక హీరోయిన్‌గా కియారా అద్వానీ మరొక హీరోయిన్‌గా పూజ హెగ్డేని తీసుకోవాలనుకుంటున్నారట. సూర్యదేవర రాధాకృష్ణ (చినబాబు) నిర్మించనున్న ఈ సినిమా మే 31న పూజా కార్యక్రమాలతో లాంచనంగా ప్రారంభం అవుతుంది.