- Advertisement -
అల్వాల్: ఇంట్లోకి దొంగ వచ్చాడన్న అనుమానంతో వ్యక్తి ఆవేశంతో మూడవ అంతస్థుకు పరుగు తీస్త్తూ అకస్మత్తుగా మృతి చెందిన సంఘటన అల్వాల్ పోలీస్ స్టేషన్ పరిధిలో జరిగింది. ఓల్డ్ అల్వాల్‌కు చెందిన నర్సింగ్‌రావు (52) సెంట్రింగ్ కార్మికుడు. ఇతనికి భార్యా ఇద్దరు పిల్లలున్నారు. ఇంట్లో నిద్రిస్తున్న సమయంలో తెలవారుజామున మేడపై అలికిడి రావడంతో నిద్ర మత్తులో దొంగదొంగా అంటూ పై అంతస్థుకు పరుగు పెట్టాడు. ఈ క్రమంలో గుండెపోటు రావడంతో మృతి చెందాడని కుటుంబ సభ్యులు పోలీసులకు తెలిపారు. పోలీసులు కేసు నమోదు చేసుకుని అన్ని కోణాల్లో విచారిస్తున్నామని సిఐ గంగాధర్ తెలిపారు.
- Advertisement -