హైదరాబాద్: పాతబస్తీలోని మంగళ్ హాట్ లో అర్ధరాత్రి దారుణ సంఘటన చోటుచేసుకుంది. మంగళ్ హాట్ పోలీస్ స్టేషన్ పరిధిలో ఓ యువకుడు దారుణ హత్యకు గురి కాగా.. మరో ఇద్దరికి తీవ్ర గాయాలయ్యాయి. వివరాల్లోకి వెళితే.. గంగాబౌలి ప్రాంతానికి చెందిన మోహమ్మద్ అనీఫ్(25), టపచెపుత్ర ప్రాంతానికి చెందిన రషీద్(30), మంగల్ హాట్ ప్రాంతానికి చెందిన మహమ్మద్ ముస్తఫా(24)తో పాటు అదే ప్రాంతానికి చెందిన నలుగురు యువకులతో లూడో గేమ్ లో బెట్టింగ్ పెట్టారు. ఈ గేమ్ లో గెలుపోటమిలపై వారి మధ్య వివాదం నెలకొంది. అంతటితో ఆగకుండా ఒకరినొకరు అసభ్య పదజాలంతో దూషించుకుంటూ మద్యం మత్తులో రెచ్చిపోయి ఒకరిపై ఒకరు దాడిచేసుకొని పిడుగుద్దుల వర్షం కురిపించుకున్నారు. కొద్దీసేపటి తరువాత బయటికి వెళ్లిన యూవకులు మహమ్మద్ అనీఫ్ పై తమ వెంట తెచ్చుకున్న కత్తులతో దాడి చేశారు.ఈ దాడిలో మహమ్మద్ అనీఫ్ తీవ్రగాయలపాలై అక్కడికక్కడే మృతిచెందగా.. మహమ్మద్ ముస్తఫా(24), రషీద్(30)లు కత్తిపోట్లకు గురికావడంతో అక్కడి నుండి తప్పించుకొని పారిపోయారు. ఇది గమనించిన స్థానికులు మంగల్ హాట్ పోలీసులకు ఫిర్యాదు చేశారు. దీనితో పోలీసులు ఘటన స్థలానికి చేరుకుని గాయాలపాలైన ఇద్దరిని వైద్య చికిత్స నిమిత్తం ఉస్మానియా ఆసుపత్రికి తరలించారు. ఆసుపత్రిలో చికిత్స పొందుతున్న ముస్తఫా, రషీద్ లు కొలుకుంటున్నారని మంగల్ హాట్ ఇన్ స్పెక్టర్ రణ్వీర్ రెడ్డి తెలిపారు. పారిపోయిన నిందితులను పట్టుకోవడానికి ప్రత్యేక బృందాలను రంగంలోకి దించారు.కేసు నమోదు చేసుకొని దర్యాప్తు కొనసాగిస్తున్నట్లు మంగల్ హాట్ పోలీసులు తెలిపారు.
Man killed by friends in Mangalhat