మనతెలంగాణ/ హైదరాబాద్ : వేసవిలో అనుకొని అగ్నిప్రమాదాల నుంచి అమ్రాబాద్ టైగర్ రిజర్వ్‌ని రక్షించేందుకు అటవీశాఖ, అగ్నిమాపక విభాగం కృషి చేస్తున్నాయి. అడవుల్లో స్థానిక చెంచులను అగ్నిమాపక పరిశీలకులుగా నియమించి.. వారితో నిరంతరం పర్యవేక్షిస్తోంది. అటవీ రహదారుల మీదుగా వెళ్లే ప్రయాణికులు చెత్త వేయవద్దని, అగ్నిప్రమాదానికి కారణం కావొద్దని అటవీశాఖ ప్రచారాన్ని చేపట్టింది. అమ్రాబాద్ టైగర్ రిజర్వ్‌లోని చెంచు పెంటల్లో అగ్నిమాపక అవగాహన, అగ్ని నివారణ గురించి చెంచులకు అవగాహన కలిగిస్తోంది. రాష్ట్ర అటవీ శాఖ నియంత్రణలో దాదాపు 26,969 కి.మీ అటవీ ప్రదేశం ఉంది. రాష్ట్ర భౌగోళిక విస్తీర్ణంలో 24.05% (1.12,077 కి.మీ). విస్తారమైన అటవీ ప్రాంతం.
అడవులు కలపను ఉత్పత్తి చేస్తాయి. వన్యప్రాణులను సంరక్షిస్తాయి, వాటికి తగిన ఆవాసాలను ఇస్తూ.. నీటి సమతుల్యతను, నేల సంతానోత్పత్తిని కాపాడతాయి. వాతావరణం నుంచి కార్బన్, ఇతర కాలుష్య వాయువులను గ్రహిస్తాయి. ఈ అటవీ విధులన్నీ భూమిపై మన ఆరోగ్యకరమైన జీవితం కొనసాగింపునకు ప్రభావితం చేస్తాయి.ఈ అటవీ ప్రదేశాలను నష్టం కలిగించడంలో అగ్నిప్రమాదాలు కారణమవుతున్నాయి.
పర్యావరణంతో పాటు జీవ వనరులకు అగ్ని ప్రమాదాలు తీరని నష్టాన్ని కలిగిస్తాయి. కలప నష్టం, పునరుత్పత్తి నష్టం, వన్యప్రాణుల వనరుల నాశనం అయ్యే వీలుంది. రాష్ట్రంలో అటవీ ప్రాంతాల్లో మంటలు సహజంగా.. అనుకోకుండా జరుగుతున్నాయి. ప్రధానంగా నవంబర్, మే నెలల మధ్య జరుగుతున్నాయి. అడవుల్లో మంటలు ఎక్కువగా సంభవించే వేసవిలోనే. పశువుల పెంపకందారులు, ప్రయాణికులు, యాత్రికులు, ఆక్రమణదారులు ఇందుకు కారణమవుతున్నారు. 26,969 కి.మీ నోటిఫైడ్ అడవులలో, దాదాపు 18.765 కి.మీ ప్రాంతం మంటలకు గురవుతున్నాయి.
ప్రమాదాల నివారణకు సాంకేతిక అధ్యయనం..
అగ్ని ప్రమాదాన్ని అంచనా వేయడానికి అనేక నమూనాలు ప్రపంచవ్యాప్తంగా పరిశోధనలు నిర్వహిస్తున్నారు. జిఐఎస్‌లో ఇటీవలి ప్రాదేశిక అగ్ని ప్రమాద నమూనాల, అంచనాలలో ఇంధనం, స్థలాకృతి,వాతావరణానికి సంబంధించిన పరిస్థితులను గుర్తించారు. భవిష్యత్తులో అగ్ని ప్రమాద సంఘటనలను అనుకరించడానికి ఖచ్చితమైన అగ్ని ప్రమాద అంచనా సాధనాలను అభివృద్ధి చేశారు. అగ్ని ప్రమాద విజువలైజేషన్‌తో పాటు ఫైర్ మేనేజ్‌మెంట్ సాధనాలపై దృష్టి సారించడం. సమర్థవంతమైన అటవీ వనరుల నిర్వహణకు అటవీ స్థితి, రిమోట్ సెన్సింగ్ టెక్నిక్‌లు & జిఐఎస్‌కు సంబంధించి వేగవంతమైన, ఖచ్చితమైన సమాచారం అందించనున్నారు.