సంగీత దర్శకుడు, యాడ్ ఫిల్మ్ మేకర్ శశి ప్రీతమ్ దర్శకుడిగా పరిచయమవుతున్న సినిమా ’లైఫ్ ఆఫ్ 3’. ఆయన కుమార్తె ఐశ్వర్య కృష్ణప్రియ నిర్మించారు. స్నేహాల్ కామత్, సంతోష్ అనంతరామన్, చిన్నికృష్ణ ప్రధాన పాత్రల్లో నటించారు. కథ, స్క్రీన్ ప్లే అందించడంతో పాటు ఛాయాగ్రహణ, సంగీత, దర్శకత్వ బాధ్యతలను శశి ప్రీతమ్ నిర్వర్తించారు. శశి ప్రీతమ్ పుట్టినరోజు సందర్భంగా హైదరాబాద్‌లో జరిగిన కార్యక్రమంలో ఈ సినిమా ఫస్ట్ లుక్, ఆడియో విడుదల చేశారు. సినిమాలోని పాటలన్నీ శశి ప్రీతమ్ రాశారు. ఈ కార్యక్రమంలో శశి ప్రీతమ్ మాట్లాడుతూ “చివరి క్షణం వరకూ పోరాటం చేయడం ఆపవద్దు, నెవర్ గివ్ అప్ అనే సందేశాన్ని ఈ సినిమా ఇస్తుంది. మా సినిమాలో చాలామంది కొత్త నటీనటులు, కొత్త గాయనీ గాయకులను పరిచయం చేశాం”అని అన్నారు. ఈ కార్యక్రమంలో నిర్మాత ఐశ్వర్య కృష్ణప్రియ, లోహిత్, చిన్నికృష్ణ, వైభవ్ సూర్య, దుష్యంత్ రెడ్డి తదితరులు పాల్గొన్నారు.