సూపర్ స్టార్ మహేష్ బాబు, – డైరెక్టర్ అనిల్ రావిపూడి కాంబినేషన్‌లో తెరకెక్కిన బ్లాక్ బస్టర్ మూవీ ‘సరిలేరు నీకెవ్వరు’. 2020 సంక్రాంతి సందర్బంగా విడుదలైన ఈ సినిమా అద్భుతమైన విజయాన్ని నమోదు చేసి అదిరిపోయే కలెక్షన్స్ రాబట్టింది. సూపర్ స్టార్ మహేష్‌తో అనిల్ రావిపూడి ఫస్ట్ మూవీ ఇది. ఈ సినిమాతో లేడీ సూపర్ స్టార్ విజయశాంతి రీ ఎంట్రీనిచ్చింది. అలాగే ఈ సినిమాలో ఒక్కడు సినిమాలో భాగమైన కర్నూల్ కొండారెడ్డి బురుజును కూడా మరోసారి గుర్తుచేశారు మేకర్స్. ఈ సినిమాకు సూపర్ హిట్ మ్యూజిక్ ఆల్బమ్ అందించాడు దేవిశ్రీ ప్రసాద్.
అయితే తాజాగా ఈ సినిమాలోని ఓ మాస్ సాంగ్ అరుదైన రికార్డు నమోదు చేసింది. ఈ సినిమాలోని మాస్ డ్యూయెట్ ‘మైండ్ బ్లాక్’ సాంగ్ ఇటీవలే యూట్యూబ్ వేదికగా 100మిలియన్స్ వ్యూస్ దక్కించుకున్న సాంగ్స్ క్లబ్బులో చేరింది. ఈ పాటలో మహేష్ అదిరే డాన్సులతో పాటు హీరోయిన్ రష్మిక మందన్న అందాలు ప్రేక్షకులతో ఈలలు వేయించాయని చెప్పాలి. అంతలా హిట్ అయింది ఈ మైండ్ బ్లాక్ సాంగ్. అలాగే ఈ పాటను శేఖర్ మాస్టర్ కొరియోగ్రఫీ చేశారు. ఇక ఈ సినిమాను ఏకె ఎంటర్టైన్‌మెంట్స్ వారు భారీ బడ్జెట్ తో నిర్మించారు. ఇదిలా ఉండగా ప్రస్తుతం మహేష్ ‘సర్కారు వారి పాట’తో బిజీ కాగా రష్మిక ‘పుష్ప’తో బిజీ అయింది.