- Advertisement -
తిరుమల: తిరుమల తిరుపతి శ్రీ వెంకటేశ్వర స్వామి ఆలయానికి అధిక సంఖ్యలో భక్తులు పోటెత్తారు. భక్తులు 30 కంపార్ట్ మెట్లలో వేచి ఉన్నారు. సోమవారం తిరుమల శ్రీవారిని 87,692 మంది భక్తులు దర్శించుకున్నారు. ఈ క్రమంలో భక్తులు శ్రీవారికి ప్రత్యేక పూజలు చేసి, మొక్కులు చెల్లించుకున్నారు. నిన్న 36,832 మంది భక్తులు శ్రీవారికి తమ తలనీలాలు సమర్పించుకున్నారు. సర్వదర్శనం భక్తులకు సుమారు 10 గంటలకు పైగా సమయం పడుతుండగా 300 రూపాయల ప్రత్యేక ప్రవేశ దర్శనానికి 3 నుంచి 4 గంటల సమయం పడుతుంది. నిన్న శ్రీవారి హుండీకి రూ.5.30 కోట్ల ఆదాయం కానుకల రూపంలో వచ్చిందని టిటిడి అధికారులు తెలిపారు. శ్రీవారి దర్శనానికి వచ్చే భక్తులు కరోనా నిబంధనలను కచ్చితంగా పాటించాలని టిటిడి అధికారులు సూచించారు.
- Advertisement -