చంద్రబాబు నియోజకవర్గం కుప్పంలో టిడిపి ఘోర పరాజయం

అమరావతి: ఆంధ్రప్రదేశ్ మాజీ ముఖ్యమంత్రి, టిడిపి అధినేత నారా చంద్రబాబు నాయుడి సొంత నియోజకవర్గం కుప్పంలో టిడిపి పార్టీ ఘోర పరాజయం పాలైంది. ఈ ఏడాది ఫిబ్రవరిలో జరిగిన పంచాయతీ ఎన్నిక ఫలితాలు ఆదివారం వచ్చాయి. కుప్పం నియోజకవర్గంలోని నాలుగు మండలాల్లోనూ వైయస్సార్‌సిపి పార్టీ ఘన విజయం సాధించింది. కుప్పం మండలంలో 19 ఎంపిటిసిలకు వైయస్సార్‌సిపికి 17 గెలుచుకోగా, టిడిపి పార్టీ 2 మాత్రమే గెలిచింది. గుడిపల్లె మండలంలో 12, రామకుప్పం మండలంలో 16 ఎంపిటిసిల్లో అన్ని చోట్లా వైయస్సార్‌సిపి గెలిచింది. శాంతిపురం మండలంలో 18 ఎంపిటిసిలకు 11 చోట్ల వైయస్సార్‌సిపి, 1 చోట టిడిపి గెలిచింది. మరో 6 చోట్ల ఫలితాలు రావాల్సి ఉంది. చంద్రబాబు స్వగ్రామం నారావారిపల్లె ఎంపిటిసిలోనూ టిడిపి దారుణ ఓటమిని చవిచూసింది. వైయస్సార్‌సిపి అభ్యర్థి రాజయ్య వేయి ఓట్లకుపైగా మెజార్టీతో గెలుపొందారు. నాలుగు మండలాల్లో మొత్తం 89 పంచాయతీల్లో 75 చోట్ల వైయస్సార్‌సిపి, 14 చోట్ల టిడిపి గెలుపొందింది. కుప్పం నియోజకవర్గంలో 85శాతానికిపైగా పంచాయతీల్లో వైయస్సార్‌సిపి పార్టీ విజయం సాధించింది.

MPTC Elections results 2021 in AP