అక్కినేని నాగచైతన్య ప్రస్తుతం మంచి ఫామ్‌లో ఉన్నాడు. హిట్ మూవీ ‘మజిలీ’ తర్వాత గ్యాప్ తీసుకొని క్లాస్ డైరెక్టర్ శేఖర్ కమ్ముల దర్శకత్వంలో ‘లవ్ స్టోరీ’ సినిమా చేశాడు. సాయిపల్లవి హీరోయిన్‌గా నటించిన ఈ సినిమా సమ్మర్ కానుకగా ఏప్రిల్ 16న థియేటర్లలోకి రానుంది. ఈ మూవీ పూర్తి కాకముందే నాగచైతన్య మరో సినిమా ప్రకటించిన సంగతి తెలిసిందే. ‘మనం’ ఫేమ్ విక్రమ్ కె.కుమార్ దర్శకత్వంలో చైతూ ‘థాంక్యూ’ అనే సినిమా చేస్తున్నాడు.
ఈ సినిమా షూటింగ్ ఇదివరకే ప్రారంభమైంది. ఈ సినిమా మొదటి షెడ్యూల్ రాజమండ్రిలో జరుపుతున్నారు మేకర్స్. దిల్ రాజు నిర్మిస్తున్న ఈ సినిమాలో నాగచైతన్య ఓ సాధారణ మధ్యతరగతి కుర్రాడిలా కనిపిస్తాడని టాక్. అలాగే చైతూ ఈ సినిమాలో సూపర్ స్టార్ మహేష్ ఫ్యాన్‌గా కూడా అలరిస్తాడని అంటున్నారు. అయితే ఈ సినిమాలో ఇద్దరు హీరోయిన్లతో రొమాన్స్ చేయనున్నాడు చైతూ. ఇంకా హీరోయిన్ల ఎవరినేది చెప్పలేదు. ఇదిలా ఉండగా.. ఈ సినిమాలో నాగచైతన్య భార్య సమంత అక్కినేని ఓ గెస్ట్ రోల్ చేయనుందని తాజా సమాచారం. ఇదివరకు విక్రమ్ ‘మనం’ సినిమాలో కూడా చైతూ, సామ్‌లను తీసుకున్నాడు. ఈసారి కూడా వారితో హిట్ కొడతాడేమో. మరి ఈ హిట్ కపుల్ మరో హిట్ అందుకుంటారేమో చూడాలి.