యంగ్ హీరో నాగశౌర్య కెరీర్‌లో వస్తున్న 20వ చిత్రం ‘లక్ష్య’. ఆర్చరీ క్రీడ నేపథ్యంలో తెరకెక్కుతున్న ఈ స్పోర్ట్ డ్రామాకు ధీరేంద్ర సంతోష్ జాగర్లపూడి దర్శకత్వం వహిస్తున్నారు. సోనాలి నారంగ్ సమర్పణలో శ్రీ వెంకటేశ్వర సినిమాస్, నార్త్ స్టార్ ఎంటర్‌టైన్‌మెంట్స్ బ్యానర్‌లపై ఈ సినిమా రూపొందుతోంది. నారాయణ్ దాస్ కె నారంగ్, – పుష్కర్ రామ్మోహన్ రావు, – శరత్ మరార్ నిర్మాతలుగా వ్యవహరిస్తున్నారు. ‘లక్ష్య’ సినిమాలో నాగశౌర్య ఇంతకుముందు ఎన్నడూ కనిపించని విభిన్నమైన లుక్‌లో కనిపించనున్నాడు. ఇందులో కేతిక శర్మ హీరోయిన్‌గా నటిస్తుండగా.. విలక్షణ నటుడు జగపతి బాబు, – సచిన్ కేడ్కర్ కీలకమైన పాత్రలు పోషిస్తున్నారు. ప్రస్తుతం హైదరాబాద్‌లో ఈ సినిమా కీలకమైన క్లైమాక్స్ సీక్వెన్స్ చిత్రీకరణ జరుపుకుంటోంది. నాగశౌర్య, జగపతి బాబుతోపాటుగా ఇతర ప్రధాన నటులు ఈ షూట్‌లో పాల్గొంటున్నారు. ‘లక్ష్య’ టీమ్ తాజాగా క్లైమాక్స్ షూట్‌కు సంబంధించిన మేకింగ్ వీడియోను విడుదల చేసింది. ఇందులో నాగ శౌర్య ఏకాగ్రతతో లక్ష్యాన్ని కొట్టడానికి విల్లు ఎక్కు పెడుతున్నట్లు కనిపిస్తున్నాడు. ఈ వీడియో చూస్తుంటే క్లైమాక్స్ సీన్స్ కోసం లావిష్ గా ఏర్పాట్లు చేసినట్లు తెలుస్తోంది. ఇకపోతే ‘లక్ష్య’ ఇండియాలోనే ఆర్చరీ నేపథ్యంలో రూపొందుతున్న మొట్ట మొదటి సినిమా. దీని కోసం శౌర్య భారీ వర్కవుట్స్ చేసి కండలు తిరిగిన దేహంతో సిద్ధమయ్యాడు.