మంగళగిరి: టిడిపి హయాంలో తనపై లేనిపోని ఆరోపణలు చేసిన వారిని ఉపేక్షించేది లేదని ఆ పార్టీ జాతీయ ప్రధాన కార్యదర్శి నారా లోకేశ్‌ అన్నారు. మంగళగిరిలోని పార్టీ కార్యాలయంలో విలేకరుల సమావేశంలో, నారా లోకేష్ తాను ఎలాంటి అక్రమాలకు పాల్పడలేదని, అందుకే తాను క్షేమంగా ఉన్నానని నొక్కి చెప్పారు. పింక్ డైమండ్, ఆరు లక్షల కోట్ల అవినీతి, ఫైబర్ గ్రిడ్ అవినీతి, అమరావతి ఇన్‌సైడ్ ట్రేడింగ్, స్కిల్ డెవలప్‌మెంట్‌లో అవినీతి వంటి అనేక కేసులతో సహా నారా లోకేష్ తనపై ఉన్న అనేక కేసులను పేర్కొన్నారు. ఈ ఆరోపణలకు కారణమైన వ్యక్తులపై కేసు పెట్టాలని ఆయన యోచిస్తున్నారు.
సిఎం జగన్ ఓ నియంత తల్లిని, చెల్లిని బయటకు పంపారని లోకేష్ ఆరోపించారు. మాపై చేసిన ఆరోపణల్లో ఒక్కటీ నిరూపించలేకపోయారని ఆయన పేర్కొన్నారు. మా అమ్మ, భార్యతో పాటు దేవాన్ష్ ను కూడా విమర్శించారన్నారు. జగన్ మాదిరిగా తండ్రిని అడ్డుపెట్టకొని పత్రిక, వ్యాపారాలు చేయలేదని మండిపడ్డారు. నేనెవరినీ వదిలిపెట్టను.. వీడియాపైనా పరువునష్టం కేసులు పెడతానని లోకేష్ వార్నింగ్ ఇచ్చారు. నేను తప్పు చేస్తే కచ్చితంగా మా నాన్నే జైలుకు పంపుతారన్నారు.