నటసింహం నందమూరి బాలకృష్ణ హీరోగా నటిస్తున్న తన 109వ సినిమా కోసం అభిమానులు ఎంతో ఆసక్తిగా ఎదురు చూస్తున్నారు. ఈ సినిమాను దర్శకుడు కొల్లి బాబీ తెరకెక్కిస్తున్నాడు. ఈ సినిమాలో బాలీవుడ్ బ్యూటీ ఊర్వశి రౌతేల, మరో స్టార్ బాబీ డియోల్ సహా యంగ్ హీరో దుల్కర్ సల్మాన్ కూడా నటిస్తున్న సంగతి తెలిసిందే. అయితే గత కొంత కాలం బ్రేక్ తీసుకున్న ఈ సినిమాపై ఇప్పుడు ఓ అప్డేట్ వినిపిస్తుంది.
ఈ సినిమాను పూత చేసి అక్టోబర్ 10 రిలీజ్‌కు మేకర్స్ సిద్ధం చేస్తున్నారట. ఇక నెలన్నర షూటింగ్ మాత్రమే మిగిలి ఉన్నట్టుగా తెలిసింది. అలాగే బాలయ్య, బాబీ డియోల్, దుల్కర్ కాంబినేషన్ సన్నివేశాలు కూడా తక్కువ రోజుల్లోనే పూర్తి చేస్తారట. మొత్తానికి బాలయ్య 109 అదిరే అవుట్ పుట్ రానుంది అని చెప్పాలి. ఇక ఈ చిత్రానికి థమన్ సంగీతం అందిస్తుండగా సితార ఎంటర్‌టైన్మెంట్స్, ఫార్చూన్ ఫోర్ సినిమాస్ వారు నిర్మాణం వహిస్తున్నారు.