కివీస్ 192/6

ముంబయి: వాంఖేడ్ స్టేడియంలో భారత్-న్యూజిలాండ్ మధ్య జరుగుతున్న మూడో టెస్టులో తొలి ఇన్నింగ్స్ మొదటి రోజు కివీస్ జట్టు 55 ఓవర్లలో ఆరు వికెట్లు కోల్పోయి 192 పరుగులతో ఆటను కొనసాగిస్తోంది. విల్ యంగ్(71), డారీల్ మిచెల్(53) హాఫ్ సెంచరీలతో కదం తొక్కారు. రవీంద్ర జడేజా మూడు వికెట్లు, వాషింగ్టన్ సుందర్ రెండు వికెట్లు తీసి దూకుడుగా బౌలింగ్‌గా చేస్తున్నారు. డేవన్ కాన్వే నాలుగు పరుగులు చేసి ఆకాశ్ దీప్ బౌలింగ్‌లో ఎల్‌బిడబ్లు రూపంలో ఔటయ్యాడు. టామ్ లాథమ్(28), రచిన్ రవీంద్ర(05) పరుగులు చేసి వాషింగ్టన్ సుందర్ బౌలింగ్‌లో క్లీన్ బౌల్డయ్యారు. విల్ యంగ్ 71 పరుగులు చేసి రవీంద్ర జడేజా బౌలింగ్‌లో రోహిత్ శర్మకు క్యాచ్ ఇచ్చి వెనుదిరిగాడు. టామ్ బ్లండెల్(0), గ్లెన్ ఫిలిప్స్(17) పరుగులు చేసి రవీంద్ర జడేజా బౌలింగ్‌లో క్లీన్ బౌల్డయ్యారు. ప్రస్తుతం క్రీజులో డారీల్ మిచెల్(53), సోధీ(1) పరుగులతో బ్యాటింగ్ చేస్తున్నారు. రవీంద్ర జడేజా మూడు వికెట్లు, వాషింగ్టన్ సుందర్ రెండు వికెట్లు, ఆకాశ్ దీప్ ఒక వికెట్ తీశాడు.